updated on:2018-06-14 06:08 PM
താമരശ്ശേരിയില്‍ ഉരുള്‍പൊട്ടലില്‍ മൂന്ന് പേര്‍ മരിച്ചു; എട്ട് പേരെ കാണാതായി

www.utharadesam.com 2018-06-14 06:08 PM,
കോഴിക്കോട്: ഇന്നലെ മുതല്‍ തിമിര്‍ത്തുപെയ്യുന്ന മഴ കോഴിക്കോട്, മലപ്പുറം ജില്ലകളില്‍ വ്യാപകനാശം വിതച്ചു.
കോഴിക്കോട് താമരശ്ശേരിയില്‍ കരിഞ്ചോലയില്‍ ഉണ്ടായ ഉരുള്‍പൊട്ടലില്‍ മൂന്ന് പേര്‍ മരിച്ചു. എട്ട് പേരെ കാണാതായി. ഇവര്‍ക്ക് വേണ്ടി തിരച്ചില്‍ തുടരുകയാണ്. ദുരന്ത നിവാരണ സേന കോഴിക്കോട്ടേക്ക് പുറപ്പെട്ടിട്ടുണ്ട്. നാല് വീടുകള്‍ ഒലിച്ചു പോയി. കരിഞ്ചോലയില്‍ വീട്ടിനുള്ളില്‍ കുടങ്ങിപ്പോയ ഒമ്പതുവയസ്സുകാരി ദില്‍നയും സഹോദരനും മരിച്ചു. തകര്‍ന്ന മറ്റൊരു വീട്ടില്‍ നിന്ന് ഒരാളുടെ മൃതദേഹം കണ്ടെടുത്തു. കരിഞ്ചോലയില്‍ മലമുകളില്‍ സ്വകാര്യ വ്യക്തി നിര്‍മ്മിച്ച തടയണ തകര്‍ന്നതാണ് ഈ മേഖലയില്‍ കനത്ത നാശ നഷ്ടമുണ്ടാക്കിയത്.
പുലര്‍ച്ചെ നാല് മണിയോടെയാണ് ഉരുള്‍പൊട്ടി മണ്ണ് വീടിന് മുകളില്‍ വീണത്. ഏറെ നേരം മണ്ണിനടിയില്‍ കിടന്ന വരെ രക്ഷാ പ്രവര്‍ത്തകര്‍ എത്തിയാണ് പുറത്തെടുത്തത്.
ആസ്പത്രിയില്‍ വെച്ചാണ് ദില്‍ന മരിച്ചത്. ഹസന്‍ എന്നയാളുടെ കുടുംബത്തിലെ ആറ് പേരെയും അബ്ദുല്‍ റഹ്മാന്റെ കുടുംബത്തിലെ രണ്ട് പേരെയുമാണ് കാണാതായത്. കക്കയം പുല്ലൂരാം പാറ, കരിഞ്ചോല, ചമല്‍, കാട്ടിപ്പാറ, വേനപ്പാറ തുടങ്ങിയ സ്ഥലങ്ങളിലാണ് ഉരുള്‍പൊട്ടിയത്. മലപ്പുറം ജില്ലയിലെ എടവണ്ണ ചാത്തല്ലൂരിലും ആനക്കല്ലിലും ഉരുള്‍പൊട്ടി. വയനാട്ടില്‍ വൈത്തിരി തളിപ്പുഴയില്‍ വീട് തകര്‍ന്ന് രണ്ട് പേര്‍ക്ക് പരിക്കേറ്റു.
മണ്ണിടിഞ്ഞു വീണ് കണ്ണൂര്‍ ജില്ലയിലെ പയ്യന്നൂര്‍ ചെറുപുഴ റൂട്ടില്‍ ഗതാഗതം തടസപ്പെട്ടു.
കക്കയം ഡാം ഏത് നിമിഷവും തുറന്നുവിടുമെന്ന് അധികൃതര്‍ അറിയിച്ചു. കാസര്‍കോട് ജില്ലയിലും ഇന്നലെ രാത്രിയും ഇന്നുച്ചവരെയും കനത്ത മഴ പെയ്തു.



Recent News
  എല്‍.ഡി.എഫ് യോഗത്തില്‍ നിന്ന് വി.എസ് വിട്ടുനിന്നു

  ശബരിമല ദര്‍ശനത്തിനെത്തിയ രണ്ട് യുവതികളെ പൊലീസ് തിരിച്ചിറക്കി

  അലോക് വര്‍മ്മയ്‌ക്കെതിരെ സി.ബി.ഐ. അന്വേഷണം വരുന്നു

  അലോക് വര്‍മ്മ അഴിമതി നടത്തിയതിന് തെളിവില്ലെന്ന് അന്വേഷണക്കമ്മീഷന്‍ അംഗം

  ജില്ലാ സ്‌പോര്‍ട്‌സ് കൗണ്‍സില്‍ തിരഞ്ഞെടുപ്പ് ഹൈക്കോടതി സ്റ്റേ ചെയ്തു

  209 തടവുകാരെ വിട്ടയച്ച നടപടി ഹൈക്കോടതി റദ്ദാക്കി

  നാഗേശ്വര റാവു സി.ബി.ഐ താല്‍ക്കാലിക ഡയറക്ടറായി ചുമതലയേറ്റു

  ജസ്റ്റീസ് ലളിത് പിന്മാറി; അയോധ്യ കേസ് വാദം കേള്‍ക്കുന്നത് നീട്ടി

  കാസര്‍കോട് അസംബ്ലി മണ്ഡലത്തിലെ 11 സ്‌കൂളുകള്‍ക്ക് 19 കോടി രൂപ അനുവദിച്ചു

  പിറന്നാള്‍ ദിനത്തില്‍ ഇത്തവണയും ഗാനഗന്ധര്‍വ്വന്‍ വാഗ് ദേവതയുടെ അനുഗ്രഹത്തിനായി കൊല്ലൂരിലെത്തി

  രണ്ടാം ദിന പണിമുടക്ക്: തിരുവനന്തപുരത്ത് ബാങ്ക് തകര്‍ത്തു; പലയിടത്തും തീവണ്ടികള്‍ തടഞ്ഞു

  അര്‍ധരാത്രിയിലെ കേന്ദ്ര നടപടി സുപ്രീം കോടതി റദ്ദാക്കി; അലോക്‌വര്‍മ്മ വീണ്ടും സി.ബി.ഐ. തലപ്പത്ത്

  ദേശീയ പണിമുടക്ക്: കേരളമടക്കം നിശ്ചലമായി, തീവണ്ടികള്‍ തടഞ്ഞു

  സ്വകാര്യ മുതല്‍ നശിപ്പിച്ചാലും കുടുങ്ങും; ഓര്‍ഡിനന്‍സ് വരുന്നു

  തലശ്ശേരിയിലും കണ്ണൂരിലും നേതാക്കളുടെ വീടുകള്‍ക്ക് നേരെ ബോംബേറ്