updated on:2018-06-12 02:07 PM
നേതൃയോഗം പോര, എക്‌സിക്യൂട്ടീവ് വിളിക്കണമെന്ന് നേതാക്കള്‍

www.utharadesam.com 2018-06-12 02:07 PM,
തിരുവനന്തപുരം: കേരള കോണ്‍ഗ്രസിന് രാജ്യസഭാ സീറ്റ് നല്‍കിയതിലുള്ള പ്രതിഷേധം കോണ്‍ഗ്രസില്‍ കെട്ടടങ്ങുന്നില്ല. വി.എം.സുധീരനും പി.ജെ.കുര്യനും പരസ്യമായി രംഗത്ത് വന്നപ്പോള്‍ കോണ്‍ഗ്രസ് ഐ ഗ്രൂപ്പ് നേതാവ് ജോസഫ് വഴക്കന്‍ ഇന്ന് ചേരുന്ന കോണ്‍ഗ്രസ് രാഷ്ട്രീയ കാര്യ സമിതിയെ വിമര്‍ശിച്ചുകൊണ്ട് രംഗത്തെത്തി. നേതൃസമിതിയല്ല ചേരേണ്ടത് എല്ലാവരും ഉള്‍പ്പെട്ട എക്‌സിക്യൂട്ടീവ് യോഗമാണ് ചേരേണ്ടതെന്ന് അദ്ദേഹം പറഞ്ഞു. കെ.പി. സി.സി. നേതൃയോഗം നാളെ ചേരുന്നുണ്ട്. ഇന്ന് ചേരുന്ന രാഷ്ട്രീയ കാര്യസമിതിയില്‍ ഏറ്റവുമധികം വിമര്‍ശനം ഉണ്ടാവുക ഉമ്മന്‍ചാണ്ടിക്കെതിരെയാവും. എന്നാല്‍ ആന്ധ്രയില്‍ കോണ്‍ഗ്രസ് നേതാക്കളുടെ യോഗം നടക്കുന്നതിനാല്‍ ഉമ്മന്‍ചാണ്ടി വൈകിട്ട് 4 മണിക്കുള്ള വിമാനത്തില്‍ അങ്ങോട്ട് തിരിക്കും. മൂന്ന് മണിക്ക് ചേരുന്ന രാഷ്ട്രീയ കാര്യസമിതിയില്‍ തുടക്കത്തില്‍ കുറച്ച് സമയം പങ്കെടുത്ത് പോകാനും സാധ്യതയുണ്ടെന്ന് നേതാക്കള്‍ പറഞ്ഞു. സുധീരനും പി.ജെ. കുര്യനും പൂര്‍ണ്ണമായും കുറ്റപ്പെടുത്തുന്നത് ഉമ്മന്‍ ചാണ്ടിയെയാണ്. ഇന്ന് വിളിച്ചു ചേര്‍ക്കുന്ന രാഷ്ട്രീയ കാര്യ സമിതിയില്‍ നിന്ന് ഒന്നും പ്രതീക്ഷിക്കുന്നില്ലെന്ന് ജോസഫ് വാഴക്കന്‍ പറഞ്ഞു. സ്വന്തം അജണ്ടകളുടെ പേരിലും മോഹഭംഗങ്ങളുടെ പേരിലും പരസ്യ പ്രസ്താവന നടത്തി അച്ചടക്ക ലംഘനം നടത്തുന്നവരാണ് പകുതിയിലധികം പേരും. വാര്‍ത്തകള്‍ സൃഷ്ടിക്കുന്നതില്‍ മാത്രമാണ് ഇവര്‍ക്ക് താല്‍പര്യം. അതിനിടെ മുസ്‌ലീം ലീഗ് മുഖപത്രം ചന്ദ്രികയില്‍ ഇന്ന് വന്ന മുഖപ്രസംഗം മാണിക്ക് സീറ്റ് നല്‍കിയതിനെ ന്യായീകരിക്കുന്നു. മാണിയുടെ വരവ് മതേതര വോട്ടുകളുടെ ഭിന്നിപ്പ് തടയുമെന്നും കോണ്‍ഗ്രസ് നേതൃത്വത്തെ വിമര്‍ശിച്ച് രംഗത്തുവരുന്നവര്‍ക്ക് ഇത് തിരുത്തേണ്ടിവരുമെന്നും പറയുന്നു. ലീഗ് നടത്തിയ ത്യാഗങ്ങളും മുഖപ്രസംഗത്തില്‍ എടുത്തുപറയുന്നുണ്ട്.



Recent News
  എല്‍.ഡി.എഫ് യോഗത്തില്‍ നിന്ന് വി.എസ് വിട്ടുനിന്നു

  ശബരിമല ദര്‍ശനത്തിനെത്തിയ രണ്ട് യുവതികളെ പൊലീസ് തിരിച്ചിറക്കി

  അലോക് വര്‍മ്മയ്‌ക്കെതിരെ സി.ബി.ഐ. അന്വേഷണം വരുന്നു

  അലോക് വര്‍മ്മ അഴിമതി നടത്തിയതിന് തെളിവില്ലെന്ന് അന്വേഷണക്കമ്മീഷന്‍ അംഗം

  ജില്ലാ സ്‌പോര്‍ട്‌സ് കൗണ്‍സില്‍ തിരഞ്ഞെടുപ്പ് ഹൈക്കോടതി സ്റ്റേ ചെയ്തു

  209 തടവുകാരെ വിട്ടയച്ച നടപടി ഹൈക്കോടതി റദ്ദാക്കി

  നാഗേശ്വര റാവു സി.ബി.ഐ താല്‍ക്കാലിക ഡയറക്ടറായി ചുമതലയേറ്റു

  ജസ്റ്റീസ് ലളിത് പിന്മാറി; അയോധ്യ കേസ് വാദം കേള്‍ക്കുന്നത് നീട്ടി

  കാസര്‍കോട് അസംബ്ലി മണ്ഡലത്തിലെ 11 സ്‌കൂളുകള്‍ക്ക് 19 കോടി രൂപ അനുവദിച്ചു

  പിറന്നാള്‍ ദിനത്തില്‍ ഇത്തവണയും ഗാനഗന്ധര്‍വ്വന്‍ വാഗ് ദേവതയുടെ അനുഗ്രഹത്തിനായി കൊല്ലൂരിലെത്തി

  രണ്ടാം ദിന പണിമുടക്ക്: തിരുവനന്തപുരത്ത് ബാങ്ക് തകര്‍ത്തു; പലയിടത്തും തീവണ്ടികള്‍ തടഞ്ഞു

  അര്‍ധരാത്രിയിലെ കേന്ദ്ര നടപടി സുപ്രീം കോടതി റദ്ദാക്കി; അലോക്‌വര്‍മ്മ വീണ്ടും സി.ബി.ഐ. തലപ്പത്ത്

  ദേശീയ പണിമുടക്ക്: കേരളമടക്കം നിശ്ചലമായി, തീവണ്ടികള്‍ തടഞ്ഞു

  സ്വകാര്യ മുതല്‍ നശിപ്പിച്ചാലും കുടുങ്ങും; ഓര്‍ഡിനന്‍സ് വരുന്നു

  തലശ്ശേരിയിലും കണ്ണൂരിലും നേതാക്കളുടെ വീടുകള്‍ക്ക് നേരെ ബോംബേറ്