updated on:2018-06-09 07:21 PM
കോണ്‍ഗ്രസിലെ കലാപം; രാഹുല്‍ ഗാന്ധി വിശദീകരണം തേടി

www.utharadesam.com 2018-06-09 07:21 PM,
ന്യൂഡല്‍ഹി/തിരുവനന്തപുരം: കോണ്‍ഗ്രസിന്റെ രാജ്യസഭാ സീറ്റ് കേരള കോണ്‍ഗ്രസിന് നല്‍കിയതുമായി ബന്ധപ്പെട്ട പ്രതിഷേധം ഡല്‍ഹിയിലേക്കും പടരുന്നു. കേരളത്തിലെ കോണ്‍ഗ്രസില്‍ ഇപ്പോള്‍ നടക്കുന്ന കലാപം സംബന്ധിച്ച് കേരളത്തിന്റെ ചുമതലയുള്ള എ.ഐ.സി.സി സെക്രട്ടറി മുകുള്‍ വാസ്‌നിക്കിനോട് കോണ്‍ഗ്രസ് പ്രസിഡണ്ട് രാഹുല്‍ ഗാന്ധി വിശദീകരണം തേടി. ഇതുസംബന്ധിച്ച് മുതിര്‍ന്ന കോണ്‍ഗ്രസ് നേതാക്കളും എം.പിമാരും രാഹുല്‍ ഗാന്ധിക്ക് പരാതി നല്‍കിയതിനെ തുടര്‍ന്നാണ് നടപടി. രാഹുല്‍ഗാന്ധിയെ യഥാര്‍ത്ഥ വസ്തുത അറിയിക്കുന്നതില്‍ പരാജയപ്പെട്ടുവെന്നാണ് ഇവരുടെ ആക്ഷേപം.
സീറ്റ് വിട്ടുകൊടുത്തത് വലിയ ദുരന്തമെന്നും ജനവികാരം അറിയാത്തത് തെറ്റാണെന്നും ഷാനിമോള്‍ ഉസ്മാന്‍ രാഹുല്‍ ഗാന്ധിക്ക് നല്‍കിയ പരാതിയില്‍ പറഞ്ഞു.
തിങ്കളാഴ്ചയും ചൊവ്വാഴ്ചയും കോണ്‍ഗ്രസ് നേതൃയോഗം ചേരുന്നുണ്ട്. പ്രശ്‌നങ്ങള്‍ക്ക് ഇതില്‍ പരിഹാരമുണ്ടാക്കാനാവുമെന്ന് ഉമ്മന്‍ചാണ്ടിയും രമേശ് ചെന്നിത്തലയും പറഞ്ഞു. അതിനിടെ എറണാകുളം ഡി.സി.സി ഓഫീസിന് മുമ്പില്‍ ചിലര്‍ ശവപ്പെട്ടിയും റീത്തും കറുത്ത കൊടിയും വെച്ചു. ഉമ്മന്‍ചാണ്ടിയുടെയും രമേശ് ചെന്നിത്തലയുടേയും ഫോട്ടോകളും ശവപ്പെട്ടിയില്‍ അടക്കം ചെയ്തിരുന്നു. പിന്നീട് ഡി.സി.സി നേതാക്കള്‍ എത്തി ഇത് എടുത്തുമാറ്റി.
കേരള കോണ്‍ഗ്രസിന് സീറ്റ് നല്‍കിയതിന്റെ വിശദീകരണവുമായി കെ.പി.സി.സി പ്രസിഡണ്ട് എം.എം ഹസന്‍ രംഗത്തുവന്നു. എല്ലാ നേതാക്കളുടേയും അറിവോടെയാണിതെന്നും മാണിയെ മുന്നണിയില്‍ കൊണ്ടുവരിക എന്നതിനാണ് പ്രാധാന്യം കൊടുത്തതെന്നും അദ്ദേഹം പറഞ്ഞു.



Recent News
  പി.കെ. ശശി തെറ്റുകാരനല്ലെന്ന് അന്വേഷണ കമ്മീഷന്‍ റിപ്പോര്‍ട്ട്

  മോദിക്ക് ആശ്വാസം; റഫാല്‍ ഇടപാടില്‍ അന്വേഷണമില്ല

  പ്രതിപക്ഷ ഐക്യത്തിന് ശക്തി പകര്‍ന്ന് കേന്ദ്രമന്ത്രി രാജിവെക്കുന്നു

  ചിറക് വിരിച്ച് കണ്ണൂര്‍; ആദ്യ വിമാനം പറന്നു

  കണ്ണൂരില്‍ നിന്ന് വിമാനമുയരുമ്പോള്‍ കാസര്‍കോടിനും അഭിമാനം

  സുരേന്ദ്രന് ജാമ്യം; പത്തനംതിട്ട ജില്ലയില്‍ പ്രവേശിക്കരുത്

  കണ്ണൂര്‍ വിമാനത്താവള ഉദ്ഘാടനം യു.ഡി.എഫ്. ബഹിഷ്‌കരിക്കും

  സര്‍ക്കാറിനും കെ. സുരേന്ദ്രനും ഹൈക്കോടതിയുടെ രൂക്ഷ വിമര്‍ശനം

  അമേരിക്കന്‍ മുന്‍ പ്രസിഡണ്ട് ജോര്‍ജ് ബുഷ് സീനിയര്‍ അന്തരിച്ചു

  സഭ ഇന്നും കലുഷിതം; വാക്‌പോര്

  സന്നിധാനത്ത് വല്‍സന്‍ തില്ലങ്കേരി മെഗാഫോണ്‍ ഉപയോഗിച്ചതിനെ ന്യായീകരിച്ച് മുഖ്യമന്ത്രി

  സ്പീക്കറുടെ ഡയസിലേക്ക് ഇരച്ചുകയറാന്‍ പ്രതിപക്ഷ ശ്രമം; സഭ നിര്‍ത്തിവെച്ചു

  പി.ബി. അബ്ദുല്‍ റസാഖിന് അന്തിമോപചാരമര്‍പ്പിച്ച് നിയമസഭ ഇന്നത്തേക്ക് പിരിഞ്ഞു

  പി.കെ ശശി ലൈംഗികാതിക്രമം കാട്ടിയിട്ടില്ലെന്ന് കമ്മീഷന്‍ റിപ്പോര്‍ട്ട്

  ശബരിമല: പ്രതിഷേധം സര്‍ക്കാറിനെതിരെയല്ല, സുപ്രീംകോടതിക്കെതിരെയെന്ന് സത്യവാങ്മൂലം