updated on:2018-05-16 06:19 PM
കര്‍ണാടകയില്‍ രാഷ്ട്രീയ നാടകം തുടരുന്നു; യദ്യൂരപ്പ വീണ്ടും ഗവര്‍ണറെ കണ്ടു

www.utharadesam.com 2018-05-16 06:19 PM,
ബംഗളൂരു: കര്‍ണാടകയില്‍ ആര്‍ക്കും വ്യക്തമായ ഭൂരിപക്ഷം ലഭിക്കാത്ത സാഹചര്യത്തില്‍ രാഷ്ട്രീയ നാടകവും കുതിരക്കച്ചവടവും അരങ്ങുതകര്‍ക്കുന്നു. കോണ്‍ഗ്രസ്, ജെ.ഡി.എസ് ക്യാമ്പുകളില്‍ നിന്ന് എം.എല്‍.എമാരെ അടര്‍ത്തി മാറ്റാനുള്ള ബി.ജെ.പിയുടെ തന്ത്രം വിജയിച്ചുവെന്നാണ് കരുതേണ്ടിയിരിക്കുന്നത്. മറുപക്ഷത്തുള്ള എം.എല്‍.എമാരുടെ ഉറപ്പ് കിട്ടിയതിനെ തുടര്‍ന്ന് ബി.ജെ.പി നേതാവ് യദ്യുരപ്പയെ കക്ഷി നേതാവായി തിരഞ്ഞെടുക്കുകയും ഇന്നുച്ചയോടെ ഗവര്‍ണറെ കാണുകയും ചെയ്തു. അടിയന്തിരമായി ഉചിതമായ തീരുമാനമെടുക്കാമെന്ന് ഗവര്‍ണര്‍ യദ്യൂരപ്പയെ അറിയിച്ചു. ബി.ജെ.പിക്ക് 104 എം.എല്‍.എമാരും കോണ്‍ഗ്രസിന് 78 എം.എല്‍.എമാരുമാണുള്ളത്. ജനതാദളിന്റെ 38 എം.എല്‍.എമാരെ ഒപ്പം നിര്‍ത്തി സര്‍ക്കാറുണ്ടാക്കാനുള്ള ശ്രമമാണ് കോണ്‍ഗ്രസ് നടത്തുന്നത്. ഇന്നലെ രണ്ട് മുന്നണികളും ഗവര്‍ണറെ കണ്ട് അവകാശവാദമുന്നയിച്ചിരുന്നു. സ്വതന്ത്രനായി മത്സരിച്ച് ജയിച്ച എച്ച്.നാഗേഷ് ബി.ജെ.പി പക്ഷത്തെത്തുമെന്ന് ഏതാണ്ടുറപ്പിച്ചു. 50 കോടിയും മന്ത്രിപദവുമാണ് അദ്ദേഹത്തിന് വാഗ്ദാനം നല്‍കിയത്. സ്വതന്ത്രനാണെങ്കിലും കോണ്‍ഗ്രസ് പിന്തുണയോടെയാണ് ഇയാള്‍ വിജയിച്ചത്. ബി.ജെ.പിയുമായി ഒരു സഖ്യത്തിനുമില്ലെന്ന് ജനതാദള്‍ നേതാവ് കുമാര സ്വാമി പറഞ്ഞു. സര്‍ക്കാറുണ്ടാക്കാനുള്ള മോദിയുടെ ശ്രമം വെറും വ്യാമോഹം മാത്രമാണെന്നും അദ്ദേഹം പറഞ്ഞു.



Recent News
  പ്രതിപക്ഷ ഐക്യത്തിന് ശക്തി പകര്‍ന്ന് കേന്ദ്രമന്ത്രി രാജിവെക്കുന്നു

  ചിറക് വിരിച്ച് കണ്ണൂര്‍; ആദ്യ വിമാനം പറന്നു

  കണ്ണൂരില്‍ നിന്ന് വിമാനമുയരുമ്പോള്‍ കാസര്‍കോടിനും അഭിമാനം

  സുരേന്ദ്രന് ജാമ്യം; പത്തനംതിട്ട ജില്ലയില്‍ പ്രവേശിക്കരുത്

  കണ്ണൂര്‍ വിമാനത്താവള ഉദ്ഘാടനം യു.ഡി.എഫ്. ബഹിഷ്‌കരിക്കും

  സര്‍ക്കാറിനും കെ. സുരേന്ദ്രനും ഹൈക്കോടതിയുടെ രൂക്ഷ വിമര്‍ശനം

  അമേരിക്കന്‍ മുന്‍ പ്രസിഡണ്ട് ജോര്‍ജ് ബുഷ് സീനിയര്‍ അന്തരിച്ചു

  സഭ ഇന്നും കലുഷിതം; വാക്‌പോര്

  സന്നിധാനത്ത് വല്‍സന്‍ തില്ലങ്കേരി മെഗാഫോണ്‍ ഉപയോഗിച്ചതിനെ ന്യായീകരിച്ച് മുഖ്യമന്ത്രി

  സ്പീക്കറുടെ ഡയസിലേക്ക് ഇരച്ചുകയറാന്‍ പ്രതിപക്ഷ ശ്രമം; സഭ നിര്‍ത്തിവെച്ചു

  പി.ബി. അബ്ദുല്‍ റസാഖിന് അന്തിമോപചാരമര്‍പ്പിച്ച് നിയമസഭ ഇന്നത്തേക്ക് പിരിഞ്ഞു

  പി.കെ ശശി ലൈംഗികാതിക്രമം കാട്ടിയിട്ടില്ലെന്ന് കമ്മീഷന്‍ റിപ്പോര്‍ട്ട്

  ശബരിമല: പ്രതിഷേധം സര്‍ക്കാറിനെതിരെയല്ല, സുപ്രീംകോടതിക്കെതിരെയെന്ന് സത്യവാങ്മൂലം

  ഇന്‍ഡോ-അറബ് കോണ്‍ഫെഡറേഷന്‍ കൗണ്‍സില്‍: ഹസൈനാര്‍ ഹാജി തളങ്കര പ്രസിഡണ്ട്

  ശബരിമലയിലെ നിരോധനാജ്ഞ; ഹൈക്കോടതി വിശദീകരണം തേടി