updated on:2018-08-27 05:59 PM
അതിജീവനത്തിനൊരുങ്ങി കേരളം; കൂടിയാലോചന തുടങ്ങി

www.utharadesam.com 2018-08-27 05:59 PM,
തിരുവനന്തപുരം: കേരളം കണ്ട എക്കാലത്തേയും വലിയ പ്രളയക്കെടുതി അതിജീവിക്കാന്‍ കേരളം ഒറ്റക്കെട്ടായി കൈകോര്‍ക്കുന്നു. സംസ്ഥനത്തിനകത്ത് നിന്നും പുറത്തുനിന്നും സഹായ ഹസ്തങ്ങള്‍ നീണ്ടുകൊണ്ടിരിക്കെ പുനരധിവാസവും സഹായ വിതരണവും ഏകോപിപ്പിക്കാന്‍ ജില്ലാകലക്ടര്‍മാരുമായും പൊലീസ് സൂപ്രണ്ടുമാരുമായും മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സിങ്ങിലൂടെ ചര്‍ച്ച നടത്തി. സര്‍ക്കാര്‍ ജീവനക്കാരും മറ്റുള്ളവരും 10 ഗഡുക്കളായി ഒരു മാസത്തെ ശമ്പളം ദുരിതാശ്വാസ നിധിയിലേക്ക് നല്‍കി സഹായിക്കണമെന്ന മുഖ്യമന്ത്രിയുടെ നിര്‍ദ്ദേശത്തിന് വലിയ പ്രതികരണമാണ് ഉണ്ടായിട്ടുള്ളത്. നിരവധി പേര്‍ ട്വിറ്ററിലൂടെയും മറ്റും ശമ്പളം വാഗ്ദാനം ചെയ്തു. ദുരിതാശ്വാസ ക്യാമ്പുകളില്‍ ഇപ്പോഴും അഞ്ച് ലക്ഷത്തോളം പേര്‍ കഴിയുന്നുണ്ട്. സ്‌കൂളുകള്‍ 29ന് തുറക്കുന്നതിനാല്‍ ഇവരെ മറ്റ് കെട്ടിടങ്ങളിലേക്ക് മാറ്റാനുള്ള നടപടിയും പുരോഗമിച്ചുവരുന്നു. ദുരിതമനുഭവിക്കുന്നവരെ കണ്ടെത്തി ആദ്യപടിയായി ഇവര്‍ക്ക് 10,000 രൂപ നല്‍കാനാണ് ആലോചിക്കുന്നത്. അത് പൂര്‍ത്തിയായതിന് ശേഷമായിരിക്കും വീടുകളുടെ നിര്‍മ്മാണവും അറ്റകുറ്റപ്പണിയും. വീടുകളിലേക്ക് തല്‍ക്കാലം മാറാന്‍ കഴിയാത്തവര്‍ക്ക് പ്രത്യേക ക്യാമ്പ് ഒരുക്കും. ധനസഹായത്തിനും പുനരധിവാസത്തിനുമായി പ്രത്യേക സമിതി രൂപീകരിക്കും. ജില്ലകള്‍ തോറും ഉപസമിതിയും ഉണ്ടാവും. പ്രളയക്കെടുതിയില്‍ 35,000 കോടിയിലധികം രൂപയുടെ നഷ്ടമുണ്ടെന്നാണ് അനൗദ്യോഗിക വിലയിരുത്തല്‍. സര്‍ക്കാര്‍ പ്രഖ്യാപിച്ച തുക 30-ാം തിയതി മുതല്‍ നല്‍കിതുടങ്ങാനുള്ള നടപടികളാണ് പൂര്‍ത്തിയായിവരുന്നത്. ദുരിതാശ്വാസ ക്യാമ്പുകളില്‍ നിന്ന് മടങ്ങുന്നവര്‍ക്ക് ഈ തുക ആദ്യം നല്‍കും. ഇതിന് പുറമെ അരി അടക്കം അവശ്യസാധനങ്ങളുടെ കിറ്റും നല്‍കും. മന്ത്രിമാര്‍ ആരും സംസ്ഥാനം വിട്ടുപോകരുതെന്നും കഴിയുന്നത്രയും തലസ്ഥാനത്തുതന്നെ ക്യാമ്പ് ചെയ്യണമെന്നും മുഖ്യമന്ത്രി അഭ്യര്‍ത്ഥിച്ചിട്ടുണ്ട്. കേന്ദ്രത്തില്‍ നിന്നുള്ള സഹായവും എത്രയും പെട്ടെന്ന് ലഭിക്കാനുള്ള നടപടികള്‍ പൂര്‍ത്തിയായിവരുന്നു. 600 കോടി നല്‍കിക്കഴിഞ്ഞു. ഇത് മുന്‍കൂര്‍ സഹായമാണ്. ദേശീയ ദുരന്ത പ്രതികരണ നിധിയുടെ മാനദണ്ഡമനുസരിച്ചുള്ള അധികതുക ഉടന്‍ നല്‍കുമെന്ന് പ്രധാനമന്ത്രി വ്യക്തമാക്കി.



Recent News
  ശബരിമലയില്‍ വഴിപാടായി കിട്ടിയ സ്വര്‍ണ്ണത്തില്‍ കുറവ്; സ്‌ട്രോങ് റൂം പരിശോധിക്കും

  സ്മൃതി ഇറാനിയുടെ സഹായി വെടിയേറ്റുമരിച്ചു

  കാസര്‍കോട്ട് പോളിങ്ങ് 80.57; പ്രതീക്ഷയോടെ സ്ഥാനാര്‍ത്ഥികള്‍

  ജില്ലയില്‍ പണിമുടക്ക് പൂര്‍ണ്ണം; മൂന്ന് തീവണ്ടികള്‍ തടഞ്ഞു

  കുഞ്ഞാലിക്കുട്ടി വിശദീകരണം നല്‍കിയില്ല; പാര്‍ട്ടി ചര്‍ച്ച ചെയ്യും -തങ്ങള്‍

  പെരിയാട്ടടുക്കത്ത് കാറിടിച്ച് രണ്ടുപേര്‍ മരിച്ചു

  കാസര്‍കോട് നഗരത്തിലെ കെട്ടിടത്തില്‍ തീപിടിത്തം; ഒഴിവായത് വന്‍ ദുരന്തം

  മലയാളി യുവാവിനെ ദുരൂഹസാഹചര്യത്തില്‍ കാണാതായി; ബൈക്ക് ശൃംഗേരിയില്‍ ഉപേക്ഷിച്ച നിലയില്‍

  ബി.ആര്‍.ഡി.സിയുടെ 'സ്‌മൈല്‍ അംബാസഡേര്‍സ് ടൂര്‍'; പ്രധാന ടൂര്‍ ഓപ്പറേറ്റര്‍മാര്‍ ഉത്തര മലബാറിലെത്തുന്നു

  തിരുവനന്തപുരം സ്വദേശി മഞ്ചേശ്വരത്ത് തീവണ്ടിയില്‍ നിന്ന് തെറിച്ചുവീണ് മരിച്ചു

  അബൂബക്കര്‍ സിദ്ദീഖ് വധം; പ്രതികളെ കണ്ണൂര്‍ സെന്‍ട്രല്‍ ജയിലിലേക്ക് മാറ്റി

  പിണറായിക്ക് തിരിച്ചടി; ലാവ്‌ലിന്‍ കേസില്‍ വിചാരണ നേരിടണമെന്ന് സി.ബി.ഐ

  വയനാട് ഭൂമി തട്ടിപ്പില്‍ വിജിലന്‍സ് അന്വേഷണം

  വയനാട്ടില്‍ സര്‍ക്കാര്‍ ഭൂമി വില്‍പ്പനയെന്ന്; ദൃശ്യങ്ങള്‍ ചാനല്‍ പുറത്ത് വിട്ടു

  പണിമുടക്ക് പൂര്‍ണ്ണം; ജില്ലയില്‍ ഹര്‍ത്താല്‍ പ്രതീതി