updated on:2019-05-23 09:34 PM
കാസര്‍കോട്ട് ഉണ്ണിത്താന് അട്ടിമറി വിജയം

www.utharadesam.com 2019-05-23 09:34 PM,
കാസര്‍കോട്: കാസര്‍ കോട്ട് യു.ഡി.എഫ്. സ്ഥാനാര്‍ത്ഥി രാജ്‌മോഹന്‍ ഉണ്ണിത്താന് അട്ടിമറി ജയം. 41,847 വോട്ടുകള്‍ക്കാണ് എല്‍.ഡി.എഫിലെ കെ.പി. സതീഷ് ചന്ദ്രനെ പരാജയപ്പെടുത്തിയത്. ഉണ്ണിത്താന് 4,73,831 ഉം സതീഷ് ചന്ദ്രന് 4,32,044 ഉം വോട്ടുകള്‍ ലഭിച്ചു. എന്‍.ഡി.എയിലെ രവീശ തന്ത്രി കുണ്ടാറിന് 1,75,311 വോട്ടുകള്‍ ലഭിച്ചു.
കാസര്‍കോട്, മഞ്ചേശ്വരം, ഉദുമ മണ്ഡലങ്ങളിലെ മികച്ച പ്രകടനവും കല്യാശേരി, കാഞ്ഞങ്ങാട്, തൃക്കരിപ്പൂര്‍ മണ്ഡലങ്ങളിലെ മുന്‍കാലങ്ങളിലെ എല്‍.ഡി.എഫ്. മുന്നേറ്റം പിടിച്ചുനിര്‍ത്താന്‍ കഴിഞ്ഞതുമാണ് ഉണ്ണിത്താന് തുണയായത്. കാസര്‍കോട് നിയമസഭാ മണ്ഡലത്തില്‍ എല്‍.ഡി.എഫിനേക്കാള്‍ നാല്‍പതിനായിരത്തില്‍ പരം വോട്ടിന്റെയും മഞ്ചേശ്വരം നിയമസഭാ മണ്ഡലത്തില്‍ 26,000ത്തോളം വോട്ടിന്റെയും ഭൂരിപക്ഷം ഉണ്ണിത്താന് നേടാന്‍ കഴിഞ്ഞു. രണ്ടിടത്തും തൊട്ടുപിന്നില്‍ ബി.ജെ.പിയാണ്. ഉദുമയില്‍ എല്‍.ഡി.എഫിനേക്കാള്‍ 9000ത്തിന്റെ ഭൂരിപക്ഷവും ഉണ്ണിത്താന്‍ നേടി. പയ്യന്നൂര്‍ മണ്ഡലം പതിവുപോലെ എല്‍.ഡി.എഫിനെ തുണച്ചു. ഇവിടെ 26,000ത്തോളം വോട്ടുകളുടെ ഭൂരിപക്ഷമുണ്ട്. കേരളത്തില്‍ പൊതുവെയുണ്ടായ യു.ഡി.എഫ്. തരംഗവും പെരിയ ഇരട്ടക്കൊലയുടെ പശ്ചാത്തലത്തില്‍ സി.പി.എം. പ്രതിരോധത്തിലായതും എല്‍.ഡി.എഫിന് തിരിച്ചടിയായതായി വിലയിരുത്തപ്പെടുന്നു.
ലോക്‌സഭാ തെരഞ്ഞെടുപ്പില്‍ തുടര്‍ച്ചയായി മൂന്നു പതിറ്റാണ്ട് ഇടതിനൊപ്പം നിന്ന കാസര്‍കോട് മണ്ഡലമാണ് രാജ്‌മോഹന്‍ ഉണ്ണിത്താനിലൂടെ് യു.ഡി.എഫ്. തിരിച്ചുപിടിച്ചത്. നേരത്തെ നടന്ന 15 തിരഞ്ഞെടുപ്പുകളില്‍ 12 തവണയും കമ്മ്യൂണിസ്റ്റ് പാര്‍ട്ടികളാണ് ഇവിടെ വിജയിച്ചത്. കാസര്‍കോട് പാര്‍ലമെന്റ് മണ്ഡലം രൂപീകൃതമായ 1957 മുതല്‍ 1967 വരെ മൂന്ന് തവണ ലോക്‌സഭാ പ്രതിപക്ഷ നേതാവായിരുന്ന എ. കെ. ജി. യാണ് മണ്ഡലത്തെ പ്രതിനിധീകരിച്ചത്. 1971, 1977, 1984 വര്‍ഷങ്ങളില്‍ മാത്രമാണ് മണ്ഡലം ഇടതിനെ കൈവിട്ടത്.
കഴിഞ്ഞ തിരഞ്ഞെടുപ്പില്‍ 6921 വോട്ടുകള്‍ക്കായിരുന്നു എല്‍.ഡി.എഫിലെ പി. കരുണാകരന്‍ വിജയിച്ചത്.



Recent News
  യുവതിയെ മര്‍ദ്ദിച്ചു

  വീട്ടമ്മയെ മാനഹാനിപ്പെടുത്താന്‍ ശ്രമിച്ച കേസിലെ പ്രതി അറസ്റ്റില്‍

  മുത്തലിബ് വധക്കേസിന്റെ വിചാരണക്ക് ഹാജരാകാത്ത മൂന്നാം പ്രതിക്കെതിരെ അറസ്റ്റ് വാറണ്ട് ; സാക്ഷികളും എത്തിയില്ല

  13 കാരിയെ പീഡിപ്പിച്ചകേസില്‍ അമ്മയുടെ സുഹൃത്തിന് 10 വര്‍ഷം കഠിനതടവ്

  ബായാറില്‍ യുവാവിനെ വധിക്കാന്‍ ശ്രമിച്ച കേസില്‍ 3 പ്രതികള്‍ കൂടി അറസ്റ്റില്‍

  യുവാവ് ഹൃദയാഘാതം മൂലം മരിച്ചു

  ചികിത്സാ പിഴവെന്ന് ആരോപണം; 3 മാസം പ്രായമുള്ള കുഞ്ഞ് മരിച്ചു

  13കാരിയെ പീഡിപ്പിച്ച കേസില്‍ രണ്ടാനച്ഛന്‍ കുറ്റക്കാരന്‍

  മെഹ്ബൂബ് തീയേറ്ററിലെ ജനറേറ്ററില്‍ തീപിടിത്തം

  ചട്ടഞ്ചാല്‍ സ്വദേശി മലേഷ്യയില്‍ രക്തസമ്മര്‍ദം മൂലം മരിച്ചു

  ഡോക്ടര്‍മാരുടെ സമരം; ജില്ലയില്‍ ആസ്പത്രികളുടെ പ്രവര്‍ത്തനം സ്തംഭിച്ചു, രോഗികള്‍ വലഞ്ഞു

  മോഷ്ടിച്ച ബൈക്കുമായി പിടിയിലായ യുവാവ് റിമാണ്ടില്‍

  കാഞ്ഞങ്ങാട്ട് കവര്‍ച്ചാപരമ്പര തുടരുന്നു; കടകളും ക്ഷേത്ര ഭണ്ഡാരവും കുത്തിത്തുറന്ന് മോഷണം

  നടന്നു പോകുന്നതിനിടെ മണ്‍തിട്ടയില്‍ നിന്ന് വീണ് കണ്ണൂര്‍ സ്വദേശി മരിച്ചു

  മരം കടപുഴകി വീണ് ഗതാഗതം സ്തംഭിച്ചു