updated on:2019-03-16 05:52 PM
ഭൂമിക്ക് പുടവ ചാര്‍ത്തി മടിക്കൈ പഞ്ചായത്ത്

www.utharadesam.com 2019-03-16 05:52 PM,
കാഞ്ഞങ്ങാട്: മടിക്കൈ പഞ്ചായത്തിലെ വിവിധ പ്രദേശങ്ങളില്‍ നടപ്പിലാക്കി വരുന്ന കയര്‍ ഭൂവസ്ത്ര പദ്ധതി ജനശ്രദ്ധയാകര്‍ഷിക്കുന്നു. വിവിധ പ്രദേശങ്ങളിലായി ഏഴോളം നീര്‍ച്ചാലുകളുടെ അരികുകള്‍ കയര്‍ ഭൂവസ്ത്രമുപയോഗിച്ച് സംരക്ഷിച്ചിരിക്കുകയാണ്.
മൊത്തം 3650 ചതുരശ്രമീറ്റര്‍ പ്രദേശത്താണ് ഭൂവസ്ത്രം വിരിച്ചത്. ഇതിനായി 2,37,250 രൂപ കയര്‍ മാറ്റിനും 28,500 രൂപ മറ്റ് അനുബന്ധ വസ്തുക്കള്‍ക്കും ചെലവഴിച്ചതായി പഞ്ചായത്ത് വികസന സ്റ്റാന്റിംഗ് കമ്മിറ്റി ചെയര്‍മാന്‍ ശശീന്ദ്രന്‍ മടിക്കൈ വ്യക്തമാക്കി. മണ്ണൊലിപ്പ് തടയാനും കാലാകാലങ്ങളായി തോടുകളിലേക്ക് ഇടിഞ്ഞുതാഴുന്ന പാര്‍ശ്വഭാഗങ്ങള്‍ സംരക്ഷിക്കുന്നതിനുമായാണ് ഇപ്പോള്‍ മുന്‍ഗണന നല്‍കി പ്രവര്‍ത്തി പൂര്‍ത്തിയാക്കിയതെന്ന് ശശീന്ദ്രന്‍ പറഞ്ഞു. തൊഴിലുറപ്പ് പദ്ധതിയിലെ സ്ത്രീകളെ ഉപയോഗിച്ചാണ് ഭൂവസ്ത്രം വിരിക്കല്‍ നടപ്പിലാക്കിയത്.
കയര്‍ തൊഴിലാളികള്‍ക്ക് അനുഗ്രഹമാവുകയാണ് ഭൂവസ്ത്ര പദ്ധതി. 2017-2018 സാമ്പത്തിക വര്‍ഷത്തില്‍ ഈ പദ്ധതിക്ക് വേണ്ടി ജില്ലയില്‍ ചെലവഴിച്ചത് 19 ലക്ഷം രൂപയാണ്. കയര്‍ വ്യവസായത്ത പ്രോത്സാഹിപ്പിക്കാനും കയര്‍ തൊഴിലാളികള്‍ക്ക് കൂടുതല്‍ തൊഴില്‍ദിനം സൃഷ്ടിക്കാനുമായി ആവിഷ്‌കരിച്ച പദ്ധതിയാണ് കയര്‍ ഭൂവസ്ത്ര പദ്ധതി.
2017ലാണ് ഈ പദ്ധതി നിലവില്‍ വന്നത്. കയര്‍ സൊസൈറ്റിയിലെ അംഗങ്ങളാണ് പ്രധാനമായും ഈ പദ്ധതിയുടെ ഗുണഭോക്താക്കള്‍. വലിയപറമ്പ, പടന്ന, കയ്യൂര്‍-ചീമേനി, പിലിക്കോട്, പള്ളിക്കര, അജാനൂര്‍, മടിക്കൈ, കിനാനൂര്‍ കരിന്തളം, മധൂര്‍, പനത്തടി എന്നീ പത്ത് പഞ്ചായത്തുകളിലാണ് ഈ പദ്ധതി നടപ്പിലാക്കിയത്. ഈ വര്‍ഷം കൂടുതല്‍ പഞ്ചായത്തുകളില്‍ ഈ പദ്ധതി വ്യാപിപ്പിലാക്കാനാണ് തീരുമാനം.



Recent News
  ജനറല്‍ ആസ്പത്രിയില്‍ സി.പി.എം. പ്രവര്‍ത്തകര്‍ ശുചീകരണം നടത്തി

  മഴവെള്ള സംഭരണികള്‍ നോക്കുകുത്തികളാകുന്നു

  മംഗലാപുരം വിമാന ദുരന്തത്തിന് ഒമ്പതാണ്ട്; കണ്ണീരുണങ്ങാതെ നിരവധി കുടുംബങ്ങള്‍

  പൂമ്പാറ്റക്കൂട്ടം ഉണര്‍ത്തു ക്യാമ്പ് നവ്യാനുഭവമായി

  സര്‍ക്കാര്‍ ഭൂമിക്ക് കാത്തുനില്‍ക്കാതെ മുഹമ്മദലി യാത്രയായി

  കാഞ്ഞങ്ങാട് സംയുക്ത മുസ്‌ലിം ജമാഅത്തിന് എം.എ.യൂസഫലിയുടെ കാരുണ്യം

  വര്‍ഗീയ കൊലപാതക കേസുകളിലെ പ്രതികള്‍ നിയമത്തിന്റെ പഴുതില്‍ രക്ഷപ്പെടുന്നു

  മുള്ളേരിയയില്‍ ബസ് കാത്തിരിപ്പ് കേന്ദ്രമില്ല; യാത്രക്കാര്‍ ദുരിതത്തില്‍

  പൂവ് ചോദിച്ചപ്പോള്‍ പൂന്തോട്ടം ലഭിച്ചു; ആനന്ദ നിര്‍വൃതിയില്‍ ദയാബായി

  പ്ലാസ്റ്റിക് കവറുകളിലാക്കിയ മാലിന്യങ്ങള്‍ നീക്കം ചെയ്യാതെ പാതയോരങ്ങളില്‍ അതേപടി

  തീവ്ര ശുചീകരണ യത്‌നം: ചെറുവത്തൂരിലെ അഞ്ച് കുളങ്ങള്‍ക്ക് പുനര്‍ജന്മം

  കൊടുംചൂടില്‍ തെങ്ങുകളും കവുങ്ങുകളും കരിഞ്ഞുണങ്ങുന്നു

  ബി.ആര്‍.ഡി.സി പദ്ധതിപ്രകാരമുള്ള ജലവിതരണം നിര്‍ത്തി; ദുരിതത്തിലായത് ആയിരക്കണക്കിന് കുടുംബങ്ങള്‍

  പാതയോരങ്ങളില്‍ നശിക്കുന്നത് ലക്ഷങ്ങള്‍ വിലമതിക്കുന്ന മരത്തടികള്‍; അധികൃതര്‍ക്ക് മൗനം

  കുഴല്‍ കിണറായി; ജനറല്‍ ആസ്പത്രിയില്‍ കുടിവെള്ള ക്ഷാമത്തിന് പരിഹാരമാവുന്നു