updated on:2019-03-13 06:56 PM
ജില്ലാ ലീഗ് ക്രിക്കറ്റ്; സ്‌പോര്‍ട്ടിങ് ചട്ടഞ്ചാല്‍ ജേതാക്കള്‍

www.utharadesam.com 2019-03-13 06:56 PM,
കാസര്‍കോട്: ജില്ലാ ക്രിക്കറ്റ് അസോസിയേഷന്റെ ആഭിമുഖ്യത്തില്‍ കെ.സി.എ സ്റ്റേഡിയത്തില്‍ നടന്നുവരുന്ന എ ഡിവിഷന്‍ ഫൈനല്‍ മത്സരത്തില്‍ മസ്ദ ചൂരിയെ 4 വിക്കറ്റിന് പരാജയപ്പെടുത്തി സ്‌പോര്‍ട്ടിങ് ചട്ടഞ്ചാല്‍ ജില്ലാ ജേതാക്കളായി. ടോസ് നേടി ബാറ്റിംഗ് തിരഞ്ഞെടുത്ത മസ്ദ ചൂരി 37.4 ഓവറില്‍ 177ന് എല്ലാവരും പുറത്തായി. മസ്ദയ്ക്ക് വേണ്ടി സമീര്‍ പുഞ്ചിരി 44 ഉം ബാബു ബാലു 25 റണ്‍സും നേടി. സ്‌പോര്‍ട്ടിങ് ചട്ടഞ്ചാലിന്റെ മുഹമ്മദ് ആഷിക് 4 ഉം അന്‍ഫല്‍ 3 വിക്കറ്റും നേടി. മറുപടി ബാറ്റിങ്ങിന് ഇറങ്ങിയ സ്‌പോര്‍ട്ടിങ് ചട്ടഞ്ചാല്‍ 33.1 ഓവറില്‍ 6 വിക്കറ്റ് നഷ്ടത്തില്‍ ലക്ഷ്യം കണ്ടു. സ്‌പോര്‍ട്ടിങ്ങിന് വേണ്ടി യാസര്‍ അറഫാത്ത് 53 റണ്‍സും ജാഫര്‍ ജമാല്‍ 50 റണ്‍സും നേടി. മസ്ദ ചൂരിക്ക് വേണ്ടി ബാബു ബാലുവും അല്‍ത്താഫും 2 വിക്കറ്റ് വീതം നേടി. ഫൈനല്‍ മത്സരത്തിലെ മികച്ച കളിക്കാരനായി സ്‌പോര്‍ട്ടിങ്ങിന്റെ മുഹമ്മദ് ആഷിഖിനെയും ടൂര്‍ണമെന്റിലെ മികച്ച ബാറ്റ്‌സ്മാനായി ജാഫര്‍ ജമാലിനെയും ടൂര്‍ണമെന്റിലെ മികച്ച ബൗളറായും മികച്ച കളിക്കാരനായും ബാബു ബാലുവിനെ തിരഞ്ഞെടുത്തു. എന്‍.എ നെല്ലിക്കുന്ന് എം.എല്‍.എ സമ്മാനദാനം നിര്‍വഹിച്ചു. കെ.സി.എ ട്രഷറര്‍ കെ.എം അബ്ദുല്‍റഹ്മാന്‍, ജില്ലാ പ്രസിഡണ്ട് എന്‍.എ അബ്ദുല്‍ ഖാദര്‍, സെക്രട്ടറി ടി.എച്ച് മുഹമ്മദ് നൗഫല്‍, കെ.സി.എ മെമ്പര്‍ ടി.എം ഇക്ബാല്‍, ജില്ലാ ജോയിന്റ് സെക്രട്ടറി കെ.ടി നിയാസ്, അസിസ്റ്റന്റ് സെക്രട്ടറി അന്‍സാര്‍ പള്ളം, സലാം ചെര്‍ക്കള, മഹമൂദ് കുഞ്ഞി കാനം, അഫ്‌സല്‍ ഖാന്‍, അസീസ് പെരുമ്പള, ഖലീല്‍ പരവനടുക്കം, ഹമീദ് പടുവടക്ക, ക്യൂറേറ്റര്‍ ലത്തീഫ് പെരുവാഡ്, സന്തോഷ്, മധു തലശ്ശേരി, നാസര്‍ ആലംപാടി, അന്‍സാര്‍ സംബന്ധിച്ചു.



Recent News
  അണ്ടര്‍-23 ക്രിക്കറ്റ് ടീമിനെ അഭിജിത് നയിക്കും

  നാടകാന്തം ചെന്നൈ വീണു; ഐ.പി.എല്‍ കിരീടം മുംബൈക്ക്

  ബാഡ്മിന്റണ്‍ താരം സാറാ സിറാജിനെ ചേംബര്‍ ഓഫ് കൊമേഴ്‌സ് അനുമോദിച്ചു

  അത്രെയാ ഉത്ഭവ തൃശൂരിനെ തകര്‍ത്ത് റെഡ് ഫ്‌ളവേര്‍സ് ബി കെ 55 കണ്ണൂര്‍ ജേതാക്കള്‍

  ഫൈനല്‍ ഇന്ന് രാത്രി 7 മണിക്ക് ആവേശമായി അഖിലേന്ത്യാ ട്വന്റി 20 ടൂര്‍ണമെന്റ്

  റെഡ് ഫ്‌ളവേര്‍സ് ടി-20 സാങ്കോസ് കപ്പ്; അത്രയാ ഉത്ഭവ് തൃശൂരും സ്‌പോര്‍ട്ടിംഗ് ചട്ടഞ്ചാലും സെമിഫൈനലില്‍

  റെഡ് ഫ്‌ളവേര്‍സ് ടി-20 സാങ്കോസ് കപ്പ് അഖിലേന്ത്യാ ഡേ നൈറ്റ് ക്രിക്കറ്റ് ടൂര്‍ണ്ണമെന്റിന് ഉജ്ജ്വല തുടക്കം

  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍

  ജില്ലാ സീനിയര്‍ ഡിവിഷന്‍ ലീഗ് ഫുട്‌ബോള്‍: എം.എസ്.സി മൊഗ്രാലിന് ഹാട്രിക്ക് നേട്ടം

  ശ്രീശാന്തിന്റെ ആജീവനാന്ത വിലക്ക് പിന്‍വലിച്ചു

  അലി മിന്നിത്തിളങ്ങി; ഡിഫറന്റ്‌ലി ഏബിള്‍ഡ് ദേശീയ ക്രിക്കറ്റില്‍ കേരളത്തിന് തിളക്കമാര്‍ന്ന ജയം

  കാറഡുക്കയിലെ വീട്ടമ്മ ഏഷ്യന്‍ മാസ്റ്റേഴ്‌സ് അത്‌ലറ്റിക്ക് ചാമ്പ്യന്‍ഷിപ്പിന്

  സംസ്ഥാന പുരുഷവിഭാഗം സീനിയര്‍ കബഡി ചാമ്പ്യന്‍ഷിപ്പ് 22 മുതല്‍ കുറ്റിക്കോലില്‍

  ജില്ലാ ക്രിക്കറ്റ് അസോ. മുന്‍ പ്രസിഡണ്ടിനെ പുറത്താക്കിയ നടപടി; 21ന് കോടതി വാദം കേള്‍ക്കും

  ജില്ലാ സ്‌പോര്‍ട്‌സ് കൗണ്‍സില്‍: ഹൈക്കോടതി സ്റ്റേ തഴയപ്പെട്ടവര്‍ക്ക് ആശ്വാസമായി