updated on:2019-01-11 05:53 PM
ജില്ലാ സ്‌പോര്‍ട്‌സ് കൗണ്‍സില്‍: ഹൈക്കോടതി സ്റ്റേ തഴയപ്പെട്ടവര്‍ക്ക് ആശ്വാസമായി

www.utharadesam.com 2019-01-11 05:53 PM,
കാസര്‍കോട്: ജില്ലാ സ്‌പോര്‍ട്‌സ് കൗണ്‍സില്‍ തിരഞ്ഞെടുപ്പ് ഹൈക്കോടതി രണ്ടാഴ്ചത്തേക്ക് സ്റ്റേ ചെയ്തത് നിലവിലുള്ള ജില്ലാ സ്‌പോര്‍ട്‌സ് കൗണ്‍സിലിന് ആശ്വാസമായി. ജില്ലാ പ്രസിഡണ്ട് എന്‍.എ. സുലൈമാനും ഇദ്ദേഹത്തെ അനുകൂലിക്കുന്നവരും അടക്കം പലരെയും വെട്ടി നിരത്തിയാണ് കാലാവധി പൂര്‍ത്തിയാവും മുമ്പെ പുതിയ കൗണ്‍സില്‍ തിരഞ്ഞെടുപ്പിന് നടപടികള്‍ തുടങ്ങിയതെന്ന് ആക്ഷേപമുണ്ടായിരുന്നു. അഞ്ച് വര്‍ഷത്തേക്കാണ് സ്‌പോര്‍ട്‌സ് കൗണ്‍സിലിന്റെ കാലാവധി. എന്നാല്‍ എന്‍.എ. സുലൈമാന്റെ നേതൃത്വത്തിലുള്ള കമ്മിറ്റി നിലവില്‍ വന്നിട്ട് മൂന്ന് വര്‍ഷമേ ആവുന്നുള്ളൂ. 32 അസോസിയേഷനുകളില്‍ നിന്ന് തിരഞ്ഞെടുക്കപ്പെടുന്ന പ്രതിനിധികള്‍ ചേര്‍ന്നാണ് സ്‌പോര്‍ട്‌സ് കൗണ്‍സില്‍ ഭാരവാഹികളെ തിരഞ്ഞെടുക്കേണ്ടത്. എന്നാല്‍ വിവിധ അസോസിയേഷനുകളില്‍ നിന്ന് തിരഞ്ഞെടുക്കപ്പെട്ട പ്രതിനിധികളുടെ പേര് വെട്ടിയതായും ടേബിള്‍ ടെന്നീസ് അസോസിയേഷനെ പ്രതിനിധീകരിച്ചെത്തിയ നിലവിലുള്ള പ്രസിഡണ്ടിനെ തന്നെ ഒഴിവാക്കിയതായും ആക്ഷേപം ഉയര്‍ന്നു. ഭരണ പക്ഷ നേതാക്കള്‍ തങ്ങള്‍ക്ക് വേണ്ടപ്പെട്ടവരെ തിരുകി കയറ്റിയതായും ആക്ഷേപമുണ്ടായി. തുടര്‍ന്നാണ് എന്‍.എ. സുലൈമാനും തഴയപ്പെട്ട മറ്റു ചില അംഗങ്ങളും ചേര്‍ന്ന് ഹൈക്കോടതിയെ സമീപിച്ചത്. ഹൈക്കോടതിയുടെ സ്റ്റേ നടപടി ഇവര്‍ക്ക് താല്‍ക്കാലിക ആശ്വാസമായി. പഞ്ചായത്ത് പ്രസിഡണ്ടുമാര്‍ ചേര്‍ന്ന് ഒരു ജനറല്‍ സീറ്റിലേക്കും ഒരു വനിതാ സീറ്റിലേക്കും ഒരു എസ്.സി. സീറ്റിലേക്കും മൂന്ന് അംഗങ്ങളെ തിരഞ്ഞെടുക്കേണ്ടതുണ്ട്. ഇന്നാണ് ഇവര്‍ വോട്ടുചെയ്യേണ്ടത്. എന്നാല്‍ പല പഞ്ചായത്ത് പ്രസിഡണ്ടുമാര്‍ക്കും ബാലറ്റ് പേപ്പര്‍ കിട്ടിയിട്ടില്ലെന്ന് എന്‍.എ. സുലൈമാന്‍ ആരോപിച്ചു.



Recent News
  അണ്ടര്‍-23 ക്രിക്കറ്റ് ടീമിനെ അഭിജിത് നയിക്കും

  നാടകാന്തം ചെന്നൈ വീണു; ഐ.പി.എല്‍ കിരീടം മുംബൈക്ക്

  ബാഡ്മിന്റണ്‍ താരം സാറാ സിറാജിനെ ചേംബര്‍ ഓഫ് കൊമേഴ്‌സ് അനുമോദിച്ചു

  അത്രെയാ ഉത്ഭവ തൃശൂരിനെ തകര്‍ത്ത് റെഡ് ഫ്‌ളവേര്‍സ് ബി കെ 55 കണ്ണൂര്‍ ജേതാക്കള്‍

  ഫൈനല്‍ ഇന്ന് രാത്രി 7 മണിക്ക് ആവേശമായി അഖിലേന്ത്യാ ട്വന്റി 20 ടൂര്‍ണമെന്റ്

  റെഡ് ഫ്‌ളവേര്‍സ് ടി-20 സാങ്കോസ് കപ്പ്; അത്രയാ ഉത്ഭവ് തൃശൂരും സ്‌പോര്‍ട്ടിംഗ് ചട്ടഞ്ചാലും സെമിഫൈനലില്‍

  റെഡ് ഫ്‌ളവേര്‍സ് ടി-20 സാങ്കോസ് കപ്പ് അഖിലേന്ത്യാ ഡേ നൈറ്റ് ക്രിക്കറ്റ് ടൂര്‍ണ്ണമെന്റിന് ഉജ്ജ്വല തുടക്കം

  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍

  ജില്ലാ സീനിയര്‍ ഡിവിഷന്‍ ലീഗ് ഫുട്‌ബോള്‍: എം.എസ്.സി മൊഗ്രാലിന് ഹാട്രിക്ക് നേട്ടം

  ശ്രീശാന്തിന്റെ ആജീവനാന്ത വിലക്ക് പിന്‍വലിച്ചു

  ജില്ലാ ലീഗ് ക്രിക്കറ്റ്; സ്‌പോര്‍ട്ടിങ് ചട്ടഞ്ചാല്‍ ജേതാക്കള്‍

  അലി മിന്നിത്തിളങ്ങി; ഡിഫറന്റ്‌ലി ഏബിള്‍ഡ് ദേശീയ ക്രിക്കറ്റില്‍ കേരളത്തിന് തിളക്കമാര്‍ന്ന ജയം

  കാറഡുക്കയിലെ വീട്ടമ്മ ഏഷ്യന്‍ മാസ്റ്റേഴ്‌സ് അത്‌ലറ്റിക്ക് ചാമ്പ്യന്‍ഷിപ്പിന്

  സംസ്ഥാന പുരുഷവിഭാഗം സീനിയര്‍ കബഡി ചാമ്പ്യന്‍ഷിപ്പ് 22 മുതല്‍ കുറ്റിക്കോലില്‍

  ജില്ലാ ക്രിക്കറ്റ് അസോ. മുന്‍ പ്രസിഡണ്ടിനെ പുറത്താക്കിയ നടപടി; 21ന് കോടതി വാദം കേള്‍ക്കും