updated on:2019-01-08 05:41 PM
മന്ത്രിയുടെ നിര്‍ദ്ദേശത്തിന് പുല്ലുവിലയെന്ന്; ചെങ്കള പഞ്ചായത്ത് അസി. എഞ്ചിനീയര്‍ക്ക് സ്ഥലം മാറ്റം

www.utharadesam.com 2019-01-08 05:41 PM,
ചെര്‍ക്കള: സാമ്പത്തിക വര്‍ഷം അവസാനഘട്ടത്തിലെത്തി നില്‍ക്കുന്ന സമയമായതിനാല്‍ മാര്‍ച്ച് 31 വരെ നിര്‍വ്വഹണ ഉദ്യോഗസ്ഥരെ സ്ഥലം മാറ്റരുതെന്ന തദ്ദേശ സ്വയം ഭരണ വകുപ്പ് മന്ത്രിയുടെ നിര്‍ദ്ദേശം മറികടന്ന് ഗ്രാമപഞ്ചായത്തിലെ അസിസ്റ്റന്റ് എഞ്ചിനീയറെ സ്ഥലം മാറ്റിയതായി പരാതി.
ഡിസംബര്‍ 27ന് മന്ത്രിയുടെ റിവ്യൂ മീറ്റിംഗില്‍ നിര്‍ദ്ദേശമുണ്ടായി ഒരാഴ്ച കഴിയുന്നതിന് മുമ്പേയാണ് ജില്ലയില്‍ ഏറ്റവും തിരക്കേറിയതും ഏറ്റവും കൂടുതല്‍ പദ്ധതികള്‍ നടപ്പിലാക്കുന്നതുമായ ചെങ്കള പഞ്ചായത്തിലെ അസി. എഞ്ചിനീയര്‍ ജോണി ജെ. ബോസ്‌കോയെ സ്ഥലം മാറ്റിയത്.
അസിസ്റ്റന്റ് എഞ്ചിനീയര്‍ക്ക് സ്ഥലം മാറ്റം കിട്ടിയ വിവരം വിടുതല്‍ നല്‍കിയ ശേഷമാണ് പഞ്ചായത്ത് പ്രസിഡണ്ടും ഭരണസമിതിയും അറിഞ്ഞത്. പഞ്ചായത്ത് പ്രസിഡണ്ടിനോടോ ബന്ധപ്പെട്ട വകുപ്പു മേധാവികളോടോ കൂടിയാലോചിക്കാതെ നടപ്പുസാമ്പത്തിക വര്‍ഷം അവസാന ഘട്ടത്തില്‍ അസി. എഞ്ചിനീയര്‍ക്ക് ഇരുചെവിയറിയാതെ വിടുതല്‍ ഉത്തരവ് നല്‍കിയ കാസര്‍കോട് ബ്ലോക്ക് അസി. എക്‌സിക്യൂട്ടീവ് എഞ്ചിനീയര്‍ക്കെതിരെ പ്രതിഷേധം ഉയര്‍ന്നിരിക്കുകയാണ്.
ഇതിനെതിരെ ചെങ്കള പഞ്ചായത്ത് ഭരണസമിതി അടിയന്തിര യോഗം ചേരുകയും സമര പരിപാടികളുമായി മുന്നോട്ട് പോവുന്നതിന് തീരുമാനമെടുക്കുകയും ചെയ്തു. ഭരണസമിതി അംഗങ്ങള്‍ പ്രസിഡണ്ടിന്റെ നേതൃത്വത്തില്‍ എക്‌സിക്യൂട്ടീവ് എഞ്ചിനീയറെ നേരിട്ട് കണ്ട് പ്രതിഷേധം അറിയിക്കുകയും ചെയ്തു.
അസി. എക്‌സിക്യൂട്ടീവ് എഞ്ചിനീയര്‍ക്കെതിരെ നടപടി ആവശ്യപ്പെട്ട് പഞ്ചായത്ത് പ്രസിഡണ്ട് ഷാഹിന സലീം ജില്ലാ കലക്ടര്‍ക്കും ജില്ലാ എക്‌സിക്യൂട്ടീവ് എഞ്ചിനീയര്‍ക്കും പരാതി നല്‍കി.
ജില്ലയിലെ പദ്ധതി പ്രവര്‍ത്തനങ്ങളെ താളംതെറ്റിക്കുന്നത് ഉദ്യോഗസ്ഥരുടെ അടിക്കടിയുള്ള സ്ഥലം മാറ്റമാണെന്ന റിവ്യൂ മീറ്റിംഗിലെ വ്യാപക പരാതിയെ തുടര്‍ന്നായിരുന്നു മന്ത്രിയുടെ നിര്‍ദ്ദേശം.



Recent News
  സ്ഥാനാര്‍ത്ഥി പ്രഖ്യാപനത്തിന് മുമ്പെ എന്‍.ഡി.എ. തിരഞ്ഞെടുപ്പ് കമ്മിറ്റി ഓഫീസ് തുറന്നു

  ഇടത് കോട്ടകളില്‍ കയറിയിറങ്ങി രാജ്‌മോഹന്‍ ഉണ്ണിത്താന്‍

  ആവശ്യത്തിന് ബസുകളില്ല; കാസര്‍കോട്-മാന്യ- മുണ്ട്യത്തടുക്ക റൂട്ടില്‍ യാത്രാദുരിതം

  എന്‍ഡോസള്‍ഫാന്‍ ഇരകള്‍ക്ക് നീതിനിഷേധം; കലക്ടറേറ്റ് മാര്‍ച്ച് നാളെ

  അജ്ഞാതന്റെ മയ്യത്ത് ഖബറടക്കാന്‍ പൊലീസിന് തുണയായി ദീനാര്‍ ഐക്യവേദി പ്രവര്‍ത്തകര്‍

  ജെ.സി.ഐ. കാസര്‍കോട് സൗജന്യ മെഗാ മെഡിക്കല്‍ ക്യാമ്പ് നടത്തി

  ബിലാത്തിക്കുഴല്‍ പ്രദര്‍ശിപ്പിച്ചു; അണിയറ പ്രവര്‍ത്തകര്‍ക്ക് ആദരം

  ലോക്‌സഭാ തിരഞ്ഞെടുപ്പ്; പരിശോധന കര്‍ശനമാക്കി

  എന്‍ഡോസള്‍ഫാന്‍ ദുരിതബാധിതരുടെ കലക്ടറേറ്റ് മാര്‍ച്ച് 19ന്

  മണ്ണെണ്ണ പെര്‍മിറ്റ് വൈകുന്നു; മലയോരത്ത് കര്‍ഷകരുടെ പ്രതിഷേധം ഉയരുന്നു

  കാര്‍ഷികാവശ്യങ്ങള്‍ക്കുള്ള വൈദ്യുതി വിച്ഛേദിച്ചതില്‍ പ്രതിഷേധം

  രാജ്യാന്തര ചലചിത്രോത്സവങ്ങളിലെ പ്രതിഭക്ക് കാസര്‍കോടിന്റെ ആദരം ഇന്ന്

  കല്ല്യോട്ടിന്റെ നൊമ്പരങ്ങളിലേക്ക് മഴയായി പെയ്തിറങ്ങി രാഹുല്‍...

  പ്രതിഷേധം മുറുകി; കൃഷിവകുപ്പ് 'അക്കോമിന്‍' തളിക്കുന്നത് ഉപേക്ഷിച്ചു

  ബി.ജെ.പി സ്ഥാനാര്‍ത്ഥി തീരുമാനം ഉടനെയുണ്ടാകും; ചര്‍ച്ച അന്തിമഘട്ടത്തില്‍