updated on:2018-12-14 05:52 PM
ഗവേഷണ ഫലങ്ങള്‍ അവതരിപ്പിക്കാന്‍ നാസയിലേക്ക് ക്ഷണം; നാടിന്റെ യശസ് വാനോളമുയര്‍ത്തി ഖലീല്‍

www.utharadesam.com 2018-12-14 05:52 PM,
കാസര്‍കോട്: ഗവേഷണ ഫലങ്ങള്‍ അവതരിപ്പിക്കാനും അവ അതുമായി ബന്ധപ്പെട്ട സാങ്കേതിക വിദ്യയുമായി സമന്വയിപ്പിക്കുന്നതിനെ കുറിച്ച് ചര്‍ച്ച ചെയ്യാനുമായി ബദിയടുക്ക സ്വദേശിയായ യുവ ശാസ്ത്രജ്ഞന് നാസയിലേക്ക് ക്ഷണം. ബദിയടുക്കയിലെ അബ്ദുല്‍ മജീദ് പൈക്കയുടെയും സുബൈദ ഗോളിയടിയുടെയും മകന്‍ ഇബ്രാഹിം ഖലീലാണ് നാടിന്റെ യശസ് വാനോളമുയര്‍ത്തിയത്. ഒരു ഗ്രാമീണ ബാലന്റെ സ്വപ്‌നങ്ങള്‍ക്ക് ആകാശത്തോളം ഉയര്‍ന്നു പറക്കാന്‍ കഴിയുമെന്ന് തെളിയിച്ചിരിക്കുകയാണ് ഇതുവഴി ഖലീല്‍. സ്വപ്രയത്‌നത്താലാണ് ഖലീല്‍ അക്കാദമിക് വിജയഗാഥ വെട്ടിത്തെളിച്ചത്. നാട്ടിലെ സര്‍ക്കാര്‍ വിദ്യാലയത്തിലെ പ്രാഥമിക വിദ്യാഭ്യാസത്തിന് ശേഷം മണിപ്പാല്‍ ഇന്‍സ്റ്റിറ്റ്യൂട്ട് ഓഫ് ടെക്‌നോളജിയില്‍ നിന്ന് ഏറനോട്ടിക്കല്‍ എഞ്ചിനീയറിംഗില്‍ ബിരുദം നേടിയ ഖലീല്‍ പിന്നീട് ജര്‍മ്മനിയിലെ ബൊഖുമിലുള്ള പ്രശസ്തമായ റഹ്‌റ യൂണിവേഴ്‌സിറ്റിയില്‍ നിന്ന് കംപ്യൂട്ടേഷന്‍ എഞ്ചിനിയറിംഗില്‍ ബിരുദാനന്തര ബിരുദം നേടി. നാഷനല്‍ സ്‌കോളര്‍ഷിപ്പോടെ ബാച്ചിലെ ആദ്യ അഞ്ചില്‍ ഒരാളായാണ് ഖലീല്‍ മാസ്‌റ്റേഴ്‌സ് ബിരുദം സ്വന്തമാക്കിയത്.
2015ല്‍ ഖലീലിനെ യൂറോപ്പിലെങ്ങും പ്രശസ്തവും ഇറ്റലിയിലെ ഏറ്റവും പഴക്കം ചെന്ന സാങ്കേതിക സര്‍വ്വകലാശാലയുമായ പോളിടെക്‌നിക് യൂണിവേഴ്‌സിറ്റി ഓഫ് ട്യൂറിന്‍ ഗവേഷണ സ്‌കോളര്‍ഷിപ്പിന് തിരഞ്ഞെടുത്തു. ലോകത്തെങ്ങുമുള്ള ശാസ്ത്രജ്ഞരുടെ അഭിലാഷമായ, ഏതാണ്ട് ഒന്നേകാല്‍ കോടി ഇന്ത്യന്‍ രൂപ വരുന്ന 'മേരി ക്യൂറി' സ്‌കോളര്‍ഷിപ്പിന് ഖലീലിനൊപ്പം അര്‍ഹനായ മറ്റൊരാള്‍ , ഏറോസ്‌പേസ് രംഗത്തെ ഗവേഷകരില്‍ പ്രമുഖനായ പ്രൊഫസര്‍ ഇറാസ്‌മോ കരേറ ആണ്.
ഏറോസ്‌പേസ് എന്‍ജിനീയറിങ്ങില്‍ ഈ വര്‍ഷാവസാനത്തോടെ തന്റെ പി.എച്ച്.ഡി ഗവേഷണം പൂര്‍ത്തിയാക്കാനിരിക്കെ ഖലീലിന്റെ ചില ഗവേഷണ പ്രബന്ധങ്ങള്‍ ശ്രദ്ധയില്‍പെട്ട ലോകപ്രശസ്ത ബഹിരാകാശ ഗവേഷണ ഏജന്‍സിയായ നാസക്ക് കീഴിലെ ഗ്ലെന്‍ റിസര്‍ച്ച് സെന്റര്‍, ഗവേഷണഫലങ്ങള്‍ അവതരിപ്പിക്കാനും അവ സാങ്കേതിക വിദ്യയുമായി സമന്വയിപ്പിക്കുന്നതിനെക്കുറിച്ച് ചര്‍ച്ച ചെയ്യാനുമായി ഖലീലിനെ ക്ഷണിക്കുകയായിരുന്നു. ക്ഷണം സ്വീകരിച്ച ഖലീല്‍ ഇപ്പോള്‍ നാസ ഗ്ലെന്‍ റിസര്‍ച്ച് സെന്ററില്‍ വിശിഷ്ടാതിഥിയായി എത്തിയിരിക്കുകയാണ്.
സാധാരണ കുടുംബത്തില്‍ ജനിച്ച്, കഠിന പ്രയത്‌നത്തിലൂടെ ശാസ്ത്ര സാങ്കേതിക ലോകത്തിന്റെ നെറുകയിലേക്കുള്ള യാത്ര തുടരുന്ന ഖലീല്‍ ഇന്നിന്റെ തലമുറക്ക് മുന്നില്‍ പാഠപുസ്തകം കൂടിയായിരിക്കുകയാണ്.



Recent News
  എ.എസ്.ഐയെ അക്രമിച്ച കേസിലെ പ്രതികളെ അറസ്റ്റ് ചെയ്യാത്തതില്‍ പൊലീസുകാര്‍ക്കിടയില്‍ മുറുമുറുപ്പ്

  വിപ്ലവ വീര്യത്തിന്റെ മണ്ണിന് ലെനിന്‍ രാജേന്ദ്രനെ മറക്കാനാവില്ല

  പണവുമായി കരാറുകാരന്‍ സ്ഥലംവിട്ടു; ഭക്ഷണവും വെള്ളവുമില്ലാതെ തൊഴിലാളി അലഞ്ഞത് അഞ്ചുദിവസം

  ബദിയടുക്കയില്‍ അഗ്നിശമന യൂണിറ്റിന് നീക്കിവെച്ച സ്ഥലം അങ്ങനെത്തന്നെയുണ്ട്

  പ്രതി നയിച്ചിരുന്നത് ആര്‍ഭാട ജീവിതം

  ശുചിത്വ ബോധവല്‍ക്കരണവുമായി മാട്ടവയല്‍ കലാനിലയത്തിന്റെ യക്ഷഗാനം

  നഗരത്തിലെ ഓവുചാലുകളുടെ സ്ലാബുകള്‍ തകര്‍ന്നു; കാല്‍ നടയാത്രക്കാര്‍ക്ക് ഭീഷണി

  ഓര്‍മ്മകളില്‍ എം.എല്‍.എ; അവര്‍ക്കിനി സ്‌കൂള്‍ ബസില്‍ യാത്ര

  ഒരു കാല്‍ നഷ്ടമായ അബ്ദുല്‍റഹ്മാന്‍ ഉദാരമതികളുടെ കനിവ് തേടുന്നു

  കുമ്പളയില്‍ ആരോഗ്യ വകുപ്പ് അധികൃതരുടെ വക കൊതുക് വളര്‍ത്തല്‍ കേന്ദ്രം

  പാലങ്ങള്‍ അപകടാവസ്ഥയില്‍; യാത്ര ഭീതിയോടെ

  നിരാലംബരായ അമ്മമാരുടെ കണ്ണീരൊപ്പാന്‍ കനിവിന്റെ ദാഹജലവുമായി പൊലീസ്

  ചെര്‍ക്കളയിലെ പുതിയ ട്രാഫിക് സര്‍ക്കിള്‍ നിര്‍മ്മാണം അനിശ്ചിതത്വത്തില്‍

  ദിവസ വേതനക്കാരെ പിരിച്ചുവിടല്‍: ജില്ലയില്‍ 50 കെ.എസ്.ആര്‍.ടി.സി സര്‍വ്വീസുകള്‍ മുടങ്ങി

  വീട്ടില്‍ നിന്ന് കൃഷിയിടത്തിലേക്കുള്ള യാത്ര തുരങ്കത്തിലൂടെ; നാരായണ ഭട്ട് കൗതുകമാവുന്നു