updated on:2018-12-10 06:38 PM
കാക്കിക്കുള്ളിലെ കാരുണ്യമനസിന് ബിഗ് സല്യൂട്ട്

www.utharadesam.com 2018-12-10 06:38 PM,
കാസര്‍കോട്: കാക്കിക്കുള്ളിലെ കാരുണ്യ മനസ് തിരിച്ചറിഞ്ഞതോടെ ബേക്കല്‍ പൊലീസിന് അഭിനന്ദന പ്രവാഹം. ബേക്കല്‍ എസ്.ഐ. കെ.പി. വിനോദ് കുമാറിന്റെയും സഹ പ്രവര്‍ത്തകരുടെയും നന്മ മനസിനെയാണ് ജനങ്ങള്‍ അഭിനന്ദനങ്ങള്‍ കൊണ്ട് മൂടിയത്. ബേക്കല്‍ പൊലീസ് സ്റ്റേഷന്‍ പരിധിയിലെ ചെര്‍ക്കപ്പാറ എന്ന സ്ഥലത്തുള്ള രമേശന്‍ ഇന്നലെ വേറിട്ടൊരു പരാതിയുമായി ബേക്കല്‍ സ്റ്റേഷനിലെത്തിയിരുന്നു. തന്റെ വീടിന്റെ പണി പൂര്‍ത്തിയാക്കാന്‍ കഴിയാതെ വിഷമിക്കുകയാണെന്നായിരുന്നു രമേശന്റെ പരാതി. വില്ലേജ് ഓഫീസിലോ പഞ്ചായത്ത് ഓഫീസിലോ നല്‍കേണ്ടിയിരുന്ന പരാതിയാണ് പൊലീസിന് ലഭിച്ചത്. കളിയാക്കാനായി ആരെങ്കിലും രമേശനെ സ്റ്റേഷനിലേക്ക് പറഞ്ഞു വിട്ടതാകുമെന്നാണ് പൊലീസ് കരുതിയത്. എന്നാല്‍ രണ്ട് കുട്ടികളടക്കമുള്ള രമേശന്റെ കുടുംബത്തിന് കയറിക്കിടക്കാന്‍ വീടില്ലെന്ന് തിരിച്ചറിഞ്ഞ എസ്.ഐ. വിനോദ് കുമാറും സഹപ്രവര്‍ത്തകരും ഐസ്‌ക്രീം വ്യാപാരി കളനാട്ടെ സി.എച്ച്. അബ്ദുല്ലയും ചേര്‍ന്ന് വീട് പണി പൂര്‍ത്തിയാക്കാന്‍ രമേശന്‍ ആവശ്യപ്പെട്ട തുക നല്‍കി തിരിച്ചയക്കുകയായിരുന്നു. ഇത് സംബന്ധിച്ച് എസ്.ഐ. കെ.പി. വിനോദ് കുമാര്‍ ഫേസ്ബുക്കിലിട്ട പോസ്റ്റിന് മണിക്കൂറുകള്‍ക്കകം 33000ല്‍പ്പരം ലൈക്കുകളാണ് ലഭിച്ചത്. ഷെയര്‍ ചെയ്തവരുടെ എണ്ണം എട്ടായിരത്തോളമാണ്. ഏഴായിരത്തില്‍പ്പരം ആളുകളാണ് സല്‍പ്രവൃത്തി തിരിച്ചറിഞ്ഞ് അഭിനന്ദനങ്ങള്‍ അറിയിച്ചത്. നേരത്തെയും വിനോദ് കുമാറിന്റെ നേതൃത്വത്തില്‍ വിവിധങ്ങളായ കാരുണ്യ പ്രവര്‍ത്തനങ്ങള്‍ നടത്തിയിരുന്നു.



Recent News
  സ്ലാബുകള്‍ നന്നാക്കിയില്ല; അപകടം പതിയിരിക്കുന്നു

  ഭൂമിക്ക് പുടവ ചാര്‍ത്തി മടിക്കൈ പഞ്ചായത്ത്

  ടെണ്ടര്‍ പൂര്‍ത്തിയായിട്ടും റോഡ് പണി തുടങ്ങിയില്ല; നാട്ടുകാര്‍ക്ക് ദുരിതം

  അംബികാസുതന്‍ മാങ്ങാടിന്റെ 'എന്‍ഡോസള്‍ഫാന്‍ നിലവിളികള്‍ അവസാനിക്കുന്നില്ല' പുസ്തക പ്രകാശനം 16ന്

  സുമനസുകളുടെ കൂട്ടായ്മയില്‍ സവിതയുടെ വീടിന്റെ നിര്‍മ്മാണം തുടങ്ങി

  ലോക്‌സഭാ തിരഞ്ഞെടുപ്പ് തിയതി ഇന്ന് പ്രഖ്യാപിക്കും

  തെങ്ങുകളില്‍ വെള്ളീച്ചശല്യം; വ്യാപക കൃഷിനാശം

  ചൂടുകാലത്തിന്റെ വരവറിയിച്ച് ദേശാടനപക്ഷികള്‍ എത്തിത്തുടങ്ങി

  ദേശീയപാതയോരത്ത് പൈപ്പ് പൊട്ടി കുടിവെള്ളം പാഴാവുന്നു; അധികൃതര്‍ക്ക് അനങ്ങാപ്പാറ നയം

  അപകടം വിളിച്ച് വരുത്താന്‍ കല്ലുവെട്ട് കുഴികള്‍

  സായിറാം ഭട്ടിന്റെ തണലില്‍ ഒരു കുടുംബം കൂടി പുതിയ വീട്ടിലേക്ക്; കൈമാറിയത് 255-ാം വീട്

  ജയ്ഷാല്‍ ബസ്സിന്റെ കാരുണ്യ യാത്രയില്‍ സഹായ പ്രവാഹം

  ഗവ.കോളേജ് ബസ് കാത്തിരിപ്പ് കേന്ദ്രം അപകടനിലയില്‍

  വിയറ്റ്‌നാമില്‍ നിന്നുള്ള ഡ്രാഗണ്‍ ഫ്രൂട്ടിന് ആവശ്യക്കാരേറെ

  അര്‍ബുദരോഗത്തോട് മല്ലിട്ട് നന്ദകുമാറിന്റെ ജീവിതം; കുടുംബം കനിവ് തേടുന്നു