updated on:2018-09-07 08:13 PM
ഇതര സംസ്ഥാനക്കാരായ കുട്ടികളെ ഉപയോഗിച്ച് ബാലവേല വ്യാപകം; കടുത്ത നടപടികളുമായി അധികൃതര്‍

www.utharadesam.com 2018-09-07 08:13 PM,
കാസര്‍കോട്: ജില്ലയില്‍ ഇതരസംസ്ഥാനക്കാരായ കുട്ടികളെ ഉപയോഗിച്ച് ബാലവേല വ്യാപകമാകുന്നു. പ്രായപൂര്‍ത്തിയാകാത്തവരെ ഉപയോഗിച്ച് ഹോട്ടലുകളിലും മറ്റ് സ്ഥാപനങ്ങളിലും കഠിനമായ ജോലികള്‍ ചെയ്യിക്കുന്നതായാണ് വിവരം.
ഇതിന്റെ അടിസ്ഥാനത്തില്‍ ബാലവേല നിര്‍മ്മാര്‍ജ്ജനത്തിനായി രൂപീകരിച്ച ജില്ലാതല ടാസ്‌ക്‌ഫോഴ്‌സിന്റെ യോഗം എ.ഡി.എം എന്‍. ദേവീദാസിന്റെ അധ്യക്ഷതയില്‍ ചേര്‍ന്നു.
ജില്ലാ ലീഗല്‍ സര്‍വീസ് അതോറിറ്റി സെക്രട്ടറിയും സബ്ജഡ്ജുമായ ഫിലിപ്പ്‌തോമസ്, അസിസ്റ്റന്റ് ലേബര്‍ കമ്മീഷണര്‍ (സെന്‍ട്രല്‍) വി.ടി. തോമസ്, നാര്‍ക്കോട്ടിക്ക് ഡി.വൈ.എസ്.പി നന്ദന്‍പിള്ള, സിഡബ്ല്യുസി ചെയര്‍പേഴ്‌സണ്‍ മാധുരി, എസ്. ബോസ്, കാസര്‍കോട്് ആര്‍.ഡി.ഒ പി.എ. അബ്ദുല്‍ സമദ്, ജില്ലാ ലേബര്‍ ഓഫീസര്‍ ഷാജു കെ.എ., ജില്ലാ ശിശു സംരക്ഷണ ഓഫീസര്‍ ബിജു.പി., കാസര്‍കോട് ഡി.ഇ.ഒ എന്‍ നന്ദികേശന്‍, സി.കെ. നാരായണ്‍, ഇന്‍സ്‌പെക്ടര്‍ ഓഫ് ഫാക്ടറീസ് ആന്റ് ബോയിലേഴ്‌സ് വിനോദ് കുമാര്‍ ടി. ടി, അസിസ്റ്റന്റ് ലേബര്‍ ഓഫീസര്‍മാരായ ജയകൃഷ്ണ എം, വി.എം. കൃഷ്ണന്‍, ലീഗല്‍ കം പ്രൊബേഷന്‍ ഓഫീസര്‍ ശ്രീജിത് എ, ചൈല്‍ഡ്‌ലൈന്‍ ജില്ലാ കോഓര്‍ഡിനേറ്റര്‍ അനീഷ് ജോസ് എന്നിവര്‍ യോഗത്തില്‍ പങ്കെടുത്തു. ഇതരസംസ്ഥാനങ്ങളില്‍ നിന്നുള്ള കുട്ടികളെ ഉപയോഗിച്ച് ജില്ലയില്‍ ബാലവേല ചെയ്യിക്കുന്നതായുള്ള വാര്‍ത്തകള്‍ പുറത്തുവരുന്നതിന്റെ അടിസ്ഥാനത്തില്‍ സ്ഥാപനങ്ങളിലും വീടുകളിലും പരിശോധന ശക്തമാക്കാന്‍ ടാസ്‌ക്‌ഫോഴ്‌സ് യോഗം തീരുമാനിച്ചു.
ബാലവേല ശ്രദ്ധയില്‍പ്പെടുന്ന പക്ഷം തൊഴിലുടമയ്ക്ക് രക്ഷപ്പെടാനുള്ള പഴുത് നല്‍കാതെ അറസ്റ്റ് ചെയ്യുന്നതിന് ആവശ്യമായ നടപടി പോലീസിന്റെ ഭാഗത്ത് നിന്നുണ്ടാകണമെന്ന് യോഗം അഭിപ്രായപ്പെട്ടു.



Recent News
  ഏറെ ആനുകൂല്യങ്ങളുമായി സിറ്റി ഗോള്‍ഡ് ഷോപ്പിംഗ് ഫെസ്റ്റിവല്‍ തുടങ്ങി

  ഓര്‍മ്മകളുടെ കളിമുറ്റത്ത് മക്കള്‍ക്ക് അനുമോദനമൊരുക്കി ടി.ഐ.എച്ച്.എസിലെ പഴയ സഹപാഠികള്‍

  മയാസ് മേനത്ത് സ്മാരക സ്വര്‍ണ്ണ മെഡല്‍ അഫ്‌സാനക്ക് സമ്മാനിച്ചു

  നേട്ടങ്ങളില്‍ അഭിരമിക്കാതെ ഉയരങ്ങള്‍ ലക്ഷ്യം വെക്കണം-ജില്ലാ കലക്ടര്‍

  പൂര്‍വ്വ വിദ്യാര്‍ത്ഥികള്‍ ഒത്തുകൂടി

  മദ്രസത്തുല്‍ ദീനിയ്യയുടെ മികച്ച പ്രവര്‍ത്തനങ്ങള്‍ക്ക് പിന്നില്‍ യുവാക്കള്‍-കുമ്പോല്‍ ഷമീം തങ്ങള്‍

  സഞ്ജീവ് ഭട്ടിനൊപ്പം; സോളിഡാരിറ്റിയുടെ ഐക്യദാര്‍ഢ്യം ശ്രദ്ധേയമായി

  'അഭയം' സൗജന്യ ഡയാലിസിസ് സെന്റര്‍ തിങ്കളാഴ്ച്ച പ്രവര്‍ത്തനം ആരംഭിക്കും

  ഫാദര്‍ മാത്യുവടക്കേമുറി സ്മാരക പുരസ്‌കാരം ദിവാകരന്‍ നീലേശ്വരത്തിന്

  വൃക്ക രോഗികള്‍ക്ക് മൊഗ്രാല്‍ പുത്തൂര്‍ പഞ്ചായത്ത് ഹീമോഗ്ലോബിന്‍ ഇഞ്ചക്ഷന്‍ സൗജന്യമായി നല്‍കുന്നു

  മൗലവി ഹജ്ജാവിഷ്‌കാരം 22ന് കാസര്‍കോട്ട്

  സി.പി.എം. പ്രവര്‍ത്തകര്‍ വിദ്യാനഗര്‍ പൊലീസ് സ്റ്റേഷന് മുന്നില്‍ കുത്തിയിരിപ്പ് സമരം നടത്തി

  കാഞ്ഞങ്ങാട്-പാണത്തൂര്‍ സംസ്ഥാന പാതക്ക് കിഫ്ബി സഹായം; ടെണ്ടര്‍ ഉടന്‍

  അസീസ് കരിപ്പൊടി അനുസ്മരണ യോഗം സംഘടിപ്പിച്ചു

  തളങ്കര പടിഞ്ഞാറില്‍ വെസ്റ്റേണ്‍ പ്രീ പ്രൈമറി സ്‌കൂള്‍ കെട്ടിടം ഉദ്ഘാടനം ചെയ്തു