updated on:2018-09-06 01:31 PM
അതിര്‍ത്തി ഗ്രാമങ്ങളില്‍ വ്യാജ ടാക്‌സികള്‍ വ്യാപകമാകുന്നതായി പരാതി

www.utharadesam.com 2018-09-06 01:31 PM,
പെര്‍ള: വ്യാജ ടാക്‌സികള്‍ വ്യാപകമാകുന്നതായി പരാതി. ബാങ്കില്‍ നിന്ന് വായ്പയെടുത്തു വാഹനങ്ങള്‍ വാങ്ങി നികുതികളും നിയമപരമായ മറ്റു വ്യവസ്ഥകളും പാലിച്ച് ജീവിത മാര്‍ഗ്ഗം കണ്ടെത്താന്‍ ശ്രമിക്കുന്ന ടാക്‌സി ഡ്രൈവര്‍മാര്‍ക്ക് വ്യാജ ടാക്‌സികള്‍ കടുത്ത വെല്ലുവിളി ഉയര്‍ത്തുകയാണെന്ന് ടാക്‌സി ഡ്രൈവര്‍മാര്‍ പറയുന്നു.
അതിര്‍ത്തി ഗ്രാമങ്ങളില്‍ നിന്ന് കര്‍ണ്ണാടകയിലേക്ക് വാടക പോകുന്ന മുഴുവന്‍ സ്വകാര്യ വാഹനങ്ങളും വ്യാജ ടാക്‌സികളാണെന്ന് ടാക്‌സി ഡ്രൈവര്‍മാരുടെ ആരോപണം. പെര്‍ള, ബെദ്രംപള്ള, മണിയംപാറ, കജംപാടി, ഏത്തടുക്ക, കിന്നിംഗാര്‍, ബെള്ളൂര്‍, മുള്ളേരിയ, ബദിയഡുക്ക, നീര്‍ച്ചാല്‍, മാന്യ തുടങ്ങിയ പ്രദേശങ്ങളിലെ ചില സ്വകാര്യ വാഹനങ്ങളാണ് വ്യാജ ടാക്‌സികളായി ഓടുന്നത്. മാരുതി ഓംനി, ടാറ്റ സുമോ, ടവേര, തുടങ്ങിയ സ്വകാര്യ പര്‍മിറ്റുള്ള വാഹനങ്ങള്‍ കുറഞ്ഞ വാടകക്ക് ഓടുന്നത് മൂലം വാടക വാഹനങ്ങള്‍ക്ക് ഓട്ടമില്ലാത്ത സ്ഥിതിയിലായിരിക്കുന്നു. ടാക്‌സി വാഹനങ്ങള്‍ കര്‍ണ്ണാടക അതിര്‍ത്തിയില്‍ മുന്നു മാസത്തേക്ക് 3300രൂപയും ഒരു വര്‍ഷത്തേക്ക് 13200 രൂപയും ഈടാക്കുന്നു. വലിയ വാഹനമെങ്ങില്‍ വര്‍ഷത്തേക്ക് 20,000ത്തില്‍ കൂടുതല്‍ തുക അടക്കണം. എന്നാല്‍ സ്വകാര്യ വാഹനങ്ങള്‍ ഈ നികുതി അടക്കേണ്ടതില്ല. ഇതാണ് കുറഞ്ഞ വാടകക്ക് സ്വകാര്യ വാഹനങ്ങള്‍ ടാക്‌സിയായി ഓടുന്നതിന്റെ കാരണമെന്നാണ് ടാക്‌സി ഡ്രൈവര്‍മാര്‍ ചൂണ്ടി കാട്ടുന്നത്. നേരത്തെ ടാക്‌സി ഡ്രെവര്‍മാര്‍ സംസ്ഥാന തലത്തില്‍ സംഘടന രൂപീകരിക്കുകയും വാട്‌സ് ആപ് കൂട്ടായ്മ ഉണ്ടാക്കുകയും ചെയ്തിരുന്നു. ഇത് മൂലം വ്യാജ ടാക്‌സികളെ പലയിടത്തും പിടികൂടി പൊലീസില്‍ ഏല്‍പിച്ചിരുന്നു. പക്ഷേ കര്‍ണ്ണാടകയില്‍ ഇതു പോലുള്ള കൂട്ടായ്മയോ സംഘടനയോ ഇല്ല. അത്‌കൊണ്ടു കേരളത്തിലെ ടാക്‌സി ഡ്രൈവര്‍മാര്‍ക്ക് കര്‍ണ്ണാടക ഡ്രൈവര്‍മാരില്‍ നിന്നും സഹകരണവും ലഭിക്കുന്നില്ല. വ്യാജ ടാക്‌സിക്കാരുടെ ശല്യം കാരണം നിരവധി ടാക്‌സികളാണ് വാടക ലഭിക്കാതെ സ്റ്റാന്റുകളില്‍ തന്നെ കിടക്കേണ്ടി വരുന്നത്. സ്വകാര്യ വാഹനങ്ങള്‍ കള്ള ടാക്‌സിയായി ഓടുന്നത് കാരണം സര്‍ക്കാരിന് ലക്ഷ കണക്കിന് രൂപ നികുതിയിനത്തില്‍ സര്‍ക്കാരിന് നഷ്ടമാവുകയും ചെയ്യുന്നു.



Recent News
  'ബിലാത്തിക്കുഴല്‍' സിനിമയിലേക്കുള്ള കാസര്‍കോടിന്റെ അടയാളപ്പെടുത്തല്‍ -വിനു

  എന്റര്‍പ്രണേര്‍സ് ഫോറം പരിശീലനക്ലാസ് നടത്തി

  ജില്ലാ ഭരണകൂടത്തിന്റെ ആഭിമുഖ്യത്തില്‍ കാസര്‍കോട്ട് പുതുവര്‍ഷം ആഘോഷിക്കുന്നു

  ദേശീയ പണിമുടക്ക്; സംയുക്ത ട്രേഡ് യൂണിയന്‍ വാഹനജാഥ തുടങ്ങി

  വിദ്യാര്‍ത്ഥികള്‍ പ്രലോഭനങ്ങളില്‍ കുടുങ്ങാതിരിക്കാന്‍ രക്ഷിതാക്കള്‍ക്ക് ജാഗ്രത വേണം -ഡി.വൈ.എസ്.പി

  വിശ്വാസ സംരക്ഷണ പ്രഖ്യാപനവുമായി ഹിന്ദു സമാജോത്സവം സമാപിച്ചു

  മധുരം നിറഞ്ഞ ഓര്‍മ്മകളുമായി പഴയ അക്ഷര മുറ്റത്തേക്ക് ഒരുവട്ടം കൂടി അവരെത്തി

  കുറ്റിക്കോല്‍ വ്യാപാരി ക്ഷേമ സഹകരണ സംഘം മന്ത്രി ഇ. ചന്ദ്രശേഖരന്‍ ഉദ്ഘാടനം ചെയ്തു

  യോഗി ആദിത്യനാഥ് എത്തുന്നു; ഹിന്ദുസമാജോത്സവം നാളെ

  കെ.എം. അഹ്മദ് അനുസ്മരണവും ഗോപീകൃഷ്ണന് അവാര്‍ഡ് ദാനവും തിങ്കളാഴ്ച

  സംസ്ഥാന സ്‌കൂള്‍ കലോത്സവം: ജില്ലയ്ക്ക് പതാക കൈമാറി

  അലാമികള്‍ ഇന്ന് അരങ്ങിലേക്ക്

  അധ്യാപകരും ജീവനക്കാരും ജില്ലാ വിദ്യാഭ്യാസ ഓഫീസിലേക്ക് പ്രതിഷേധമാര്‍ച്ച് നടത്തി

  സംസ്ഥാന സ്‌കൂള്‍ കലോത്സവം: മികച്ച നേട്ടവുമായി ടി.ഐ.എച്ച്.എസ്.എസ്.

  റോഡ് നന്നാക്കിയില്ല; ഡി.വൈ.എഫ്.ഐ. ഉപരോധിച്ചു