updated on:2018-07-12 08:42 PM
കല്ലങ്കൈയില്‍ വീണ്ടും അപകടം; സ്‌കൂട്ടര്‍ യാത്രക്കാരന്‍ രക്ഷപ്പെട്ടത് അത്ഭുതകരമായി

www.utharadesam.com 2018-07-12 08:42 PM,
കാസര്‍കോട്: കല്ലങ്കൈ ദേശീയപാതയില്‍ വീണ്ടും അപകടം. കാറുമായി കൂട്ടിയിടിച്ച് സ്‌കൂട്ടര്‍ പൂര്‍ണമായും തകര്‍ന്നു. യാത്രക്കാരന്‍ മംഗളൂരു സ്വദേശി മജീദ് (28) അത്ഭുതകരമായാണ് രക്ഷപ്പെട്ടത്. ഇന്നുരാവിലെ 9മണിയോടെ കല്ലങ്കൈയിലെ മൊഗ്രാല്‍പുത്തൂര്‍ പഞ്ചായത്ത് മുസ്ലിം ലീഗ് ഓഫീസിന് മുന്‍വശത്തായിരുന്നു അപകടം. മജീദ് സ്‌കൂട്ടറില്‍ കാസര്‍കോട് ഭാഗത്തേക്ക് വരുന്നതിനിടെ തൃക്കരിപ്പൂരില്‍ നിന്ന് മംഗളൂരുവിലെ ആസ്പത്രിയിലേക്ക് പോവുകയായിരുന്നവര്‍ സഞ്ചരിച്ച കാറുമായി കൂട്ടിയിടിക്കുകയായിരുന്നു.
10 ദിവസം മുമ്പ് കല്ലങ്കൈയില്‍ കാറും ലോറിയും കൂട്ടിയിടിച്ച് കാര്‍ യാത്രക്കാരനായ മൊഗ്രാല്‍പുത്തൂരിലെ സജീര്‍ (29) മരിച്ചിരുന്നു.