www.utharadesam.com 2018-07-12 07:50 PM,

വിദ്യാനഗര്‍: കൊല്ലപ്പെട്ട മഹാരാജാസ് കോളേജ് വിദ്യാര്‍ത്ഥി അഭിമന്യുവിന്റെ പിതാവിനെയും കോളേജ് അധ്യാപികയെയും അപകീര്‍ത്തിപ്പെടുത്തുന്ന വിധം വ്യാജ ഫോട്ടോ സൃഷ്ടിച്ച് ഫേസ്ബുക്കിലൂടെ പ്രചരിപ്പിച്ചുവെന്ന പരാതിയില്‍ മുട്ടത്തൊടി സ്വദേശിക്കെതിരെ വിദ്യാനഗര്‍ പൊലീസ് കേസെടുത്തു. മുട്ടത്തൊടിയിലെ ബഷീറിനെതിരെയാണ് കേസ്.
ഡി.വൈ.എഫ്.ഐ. കാസര്‍കോട് ബ്ലോക്ക് പ്രസിഡണ്ട് സുഭാഷ് പാടി നല്‍കിയ പരാതിയിലാണ് കേസെടുത്തത്.
കഴിഞ്ഞ ദിവസങ്ങളിലാണ് ഫേസ്ബുക്കില്‍ അപകീര്‍ത്തിപ്പെടുത്തുന്ന തരത്തിലുള്ള ഫോട്ടോ വ്യാപകമായി പ്രചരിപ്പിച്ചത്.
അഭിമന്യുവിന്റെ പിതാവിനെ കോളേജ് അധ്യാപിക പിടിച്ചുനില്‍ക്കുന്ന ഫോട്ടോ വ്യാജമായി സൃഷ്ടിച്ച് ഇരുവരെയും മോശമായ രീതിയില്‍ ചിത്രീകരിച്ചുവെന്നാണ് പരാതിയില്‍ പറയുന്നത്. പൊലീസ് അന്വേഷിച്ചുവരുന്നു.