updated on:2018-07-12 07:32 PM
തീവണ്ടിയാത്രക്കിടെ മാനഭംഗപ്പെടുത്താന്‍ ശ്രമം; മൂന്നു വര്‍ഷം കഠിന തടവും കാല്‍ ലക്ഷം പിഴയും

www.utharadesam.com 2018-07-12 07:32 PM,
കാസര്‍കോട്: തീവണ്ടിയില്‍ യാത്ര ചെയ്യുകയായിരുന്ന പെണ്‍കുട്ടിയെ മാനഭംഗപ്പെടുത്താന്‍ ശ്രമിച്ച കേസില്‍ പ്രതികളായ രണ്ടു യുവാക്കളെ കോടതി മൂന്ന് വര്‍ഷം കഠിന തടവിനും കാല്‍ ലക്ഷം രൂപ പിഴയടക്കാനും ശിക്ഷിച്ചു. കോഴിക്കോട് മാറാടിലെ വേട്ടക്കരക്കണ്ടി സജിനേഷ്(29), ബേപ്പൂര്‍ കൈതവളപ്പ് കോളനിയില്‍ മുരുകേഷ് (32) എന്നിവരെയാണ് തലശ്ശേരി ഒന്നാം അഡീഷണല്‍ ജില്ലാ സെഷന്‍സ് ജഡ്ജ് പി.എന്‍. വിനോദ് ശിക്ഷിച്ചത്. 2013 ഏപ്രില്‍ 2 ന് മംഗളൂരു -തിരുവനന്തപുരം എക്‌സ്പ്രസില്‍ കുടുംബാംഗങ്ങളോടൊപ്പം യാത്ര ചെയ്യുമ്പോള്‍ തിരുവനന്തപുരം സ്വദേശിനിയായ പെണ്‍കുട്ടിയാണ് ഉപദ്രവിക്കപ്പെട്ടത്.