updated on:2018-07-12 07:22 PM
വിദേശ മദ്യവുമായി രണ്ടു പേര്‍ അറസ്റ്റില്‍

www.utharadesam.com 2018-07-12 07:22 PM,
ബദിയടുക്ക: വിദേശ മദ്യവുമായി രണ്ടു യുവാക്കള്‍ അറസ്റ്റില്‍. പള്ളത്തടുക്ക കുടുപ്പംകുഴിയിലെ ശിവപ്രസാദ്(29), കിന്നിംഗാര്‍ ബീജദക്കട്ടയിലെ ഐത്തപ്പ നായക് (28) എന്നിവരെയാണ് എക്‌സൈസ് സംഘം അറസ്റ്റുചെയ്തത്.
ബദിയടുക്ക റെയ്ഞ്ച് എക്‌സൈസ് ഇന്‍സ്പക്ടര്‍ രഞ്ജിത് ബാബുവും പാര്‍ട്ടിയും നടത്തിയ പരിശോധനയില്‍ നെല്ലിയടുക്കത്ത് വില്‍പ്പന നടത്തുന്നതിനിടെ 3.780 ലിറ്റര്‍ (180 മില്ലിയുടെ 21 കുപ്പി) കര്‍ണ്ണാടക നിര്‍മ്മിത വിദേശമദ്യവുമായി പള്ളത്തടുക്കയിലെ ശിവപ്രസാദിനേയും ജൗണിഗുഡെ ബീജതക്കട്ടയില്‍ നടത്തിയ പരിശോധനയില്‍ 5.400 (180 മില്ലിയുടെ 30 കുപ്പി) ലിറ്റര്‍ പുതുശ്ശേരി നിര്‍മ്മിത വിദേശമദ്യം വീടിനകത്ത് വെച്ച് വില്‍പ്പന നടത്തുന്നതിനിടെ ഐത്തപ്പ നായക്കിനേയും അറസ്റ്റ് ചെയ്തത്.