updated on:2018-07-12 07:06 PM
ഡോ. സത്താറിന് എഫ്.ആര്‍.സി.പി

www.utharadesam.com 2018-07-12 07:06 PM,
കാസര്‍കോട്: കാസര്‍കോട് ജനറല്‍ ആസ്പത്രിയിലെ ശ്വാസകോശ രോഗ വിദഗ്ധന്‍ ഡോ. അബ്ദുല്‍ സത്താറിന് സ്‌കോട്ട്‌ലാന്റിലെ ഗ്ലാസ്‌കോമസ്‌ഗോ, റോയല്‍ കോളേജ് ഓഫ് ഫിസിഷ്യന്‍സില്‍ ഫെല്ലോഷിപ്പ് ലഭിച്ചു.
ആരോഗ്യ വകുപ്പില്‍ സംസ്ഥാനത്ത് തന്നെ ആദ്യമായാണ് ഒരാള്‍ക്ക് റോയല്‍ കോളേജ് ഫെല്ലോഷിപ്പ് ലഭിക്കുന്നത്. നേരത്തെ ഡോ. സത്താറിന് റോയല്‍ കോളേജ് ഓഫ് ലണ്ടന്‍ മെഡിസിന്‍ വിഭാഗത്തില്‍ അംഗത്വം ലഭിച്ചിരുന്നു. നവംബര്‍ 23ന് ലോകപ്രശസ്തമായ ഗ്ലാസ്‌ഗോ യൂണിവേഴ്‌സിറ്റി ഹാളില്‍ നടക്കുന്ന ഫെല്ലോഷിപ്പ് ദാനചടങ്ങിലേക്ക് ഡോ. സത്താറിന് ക്ഷണം ലഭിച്ചിട്ടുണ്ട്. ഷമീമയാണ് ഭാര്യ. സഹല്‍റഹ്മാന്‍ (മെഡിക്കല്‍ വിദ്യാര്‍ത്ഥി), സാബിത് റഹ്മാന്‍, സനഫാത്തിമ എന്നിവര്‍ മക്കളാണ്.
എരിയാലിലെ ബി.വി അബ്ദുല്‍റഹ്മാന്റെയും പരേതയായ സൈനബയുടേയും മകനാണ്. കാസര്‍കോട് ചെസ്റ്റ് സൊസൈറ്റിയുടെ സ്ഥാപക പ്രസിഡണ്ടായ ഡോ. സത്താറിനെ ഭാരവാഹികള്‍ അഭിനന്ദിച്ചു.