updated on:2018-07-12 06:36 PM
പതിമൂന്നുകാരിയെ പീഡിപ്പിച്ച കേസ്; ഓട്ടോ ഡ്രൈവര്‍ക്കെതിരെ കൂടുതല്‍ അന്വേഷണം

www.utharadesam.com 2018-07-12 06:36 PM,
കാഞ്ഞങ്ങാട്: മാതാവിന്റെ ഒത്താശയോടെ പതിമൂന്നുകാരിയെ പീഡിപ്പിച്ച കേസിലെ പ്രതിയും പടന്നക്കാട്ടെ ഓട്ടോറിക്ഷാ ഡ്രൈവറുമായ ബാബു (42) വിനെതിരെ പൊലീസ് കൂടുതല്‍ അന്വേഷണമാരംഭിച്ചു. നിരവധി യുവതികളെ ബാബു ലൈംഗികചൂഷണത്തിനിരയാക്കിയിട്ടുണ്ടെന്ന് പൊലീസിന് സൂചന ലഭിച്ചു. എന്നാല്‍ മാനഹാനിയോര്‍ത്താണ് പലരും സംഭവം പുറത്തുപറയാതിരുന്നത്.
പെണ്‍കുട്ടിയെ പീഡിപ്പിച്ച സംഭവത്തില്‍ അറസ്റ്റിലാകുന്നതിന് ഏതാനും ദിവസം മുമ്പ് ഒരു ഭര്‍തൃമതിയുടെ വീട്ടില്‍ അസമയത്തെത്തിയപ്പോള്‍ നാട്ടുകാര്‍ ഇയാളുടെ ഓട്ടോക്ക് തീവെച്ചിരുന്നു. നീലേശ്വരത്ത് സാധനങ്ങള്‍ വാങ്ങാനായി മാതാവിനോടൊപ്പം പോയപ്പോഴാണ് പതിമൂന്നുകാരിയെ ബാബു പീഡിപ്പിച്ചത്. ബസ്സ്റ്റാന്റ് പരിസരത്ത് ഓട്ടോ നിര്‍ത്തിയ ശേഷം മാതാവ് ഫാന്‍സി കടയിലേക്ക് പോയപ്പോഴാണ് റിക്ഷയില്‍ തനിച്ചായ പെണ്‍കുട്ടിയെ റിക്ഷയുടെ കര്‍ട്ടന്‍ താഴ്ത്തി പീഡിപ്പിച്ചത്. ഇതിനു ശേഷം നിരവധി തവണ പെണ്‍കുട്ടിയെ ബാബു പീഡനത്തിനിരയാക്കി. പെണ്‍കുട്ടിയുടെ വീട്ടില്‍ വെച്ചും പീഡിപ്പിച്ചിരുന്നു. ബാബുവിനുപുറമെ പെണ്‍കുട്ടിയെ പീഡിപ്പിച്ച മറ്റുപ്രതികളും നേരത്തെ അറസ്റ്റിലായിരുന്നു.