updated on:2018-07-12 01:45 PM
എയിംസ് കാസര്‍കോടിന് വേണം; സ്ഥലം വിട്ടുനല്‍കാന്‍ സര്‍ക്കാര്‍ തയ്യാറാവണം-അഡ്വ.കെ. ശ്രീകാന്ത്

www.utharadesam.com 2018-07-12 01:45 PM,
കാസര്‍കോട്: കേന്ദ്രസര്‍ക്കാര്‍ കേരളത്തിനനുവദിച്ച ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സ് കാസര്‍കോട് ജില്ലയില്‍ സ്ഥാപിക്കുന്നതിന് സംസ്ഥാന സര്‍ക്കാര്‍ സ്ഥലം വിട്ടു നല്‍കണമെന്ന് ബി.ജെ.പി ജില്ലാ പ്രസിഡണ്ട് അഡ്വ. കെ. ശ്രീകാന്ത് പറഞ്ഞു.
പൈവളിഗെ, മടിക്കൈ, പെരിയ തുടങ്ങിയ സ്ഥലങ്ങളില്‍ റവന്യൂ ഭൂമി ലഭ്യമാണ്. 200 ഏക്കര്‍ സ്ഥലമാണ് വേണ്ടത്.
ഇത് ലഭ്യമാക്കിയാല്‍ കേന്ദ്രത്തില്‍ നിന്ന് അനുകൂലമായ തീരുമാനമുണ്ടാക്കാനാവും. എന്‍ഡോസള്‍ഫാന്‍ ദുരിതബാധിതരുള്ള ജില്ലയെന്ന നിലയിലും ഒറ്റമെഡിക്കല്‍ കോളേജും ഇല്ലെന്നതും പരിഗണിച്ച് കാസര്‍കോടിന് തന്നെ എയിംസ് അനുവദിക്കണമെന്നും ശ്രീകാന്ത് ആവശ്യപ്പെട്ടു.