updated on:2018-07-11 03:11 PM
ഇംപറാറ്റീവ്-18ന് തുടക്കമായി

www.utharadesam.com 2018-07-11 03:11 PM,
വിദ്യാനഗര്‍: 'പഠനം ആനന്ദകരമാക്കാം' എന്ന പ്രമേയത്തില്‍ പാഠ്യ-പാഠ്യേതര രംഗത്ത് വിദ്യാര്‍ത്ഥികളെ ശാക്തീകരിക്കുക എന്ന ലക്ഷ്യത്തില്‍ പന്നിപ്പാറ മമ്പഉല്‍ ഹുദാ മദ്രസയില്‍ ഇംപറാറ്റീവ്-18 പദ്ധതിക്ക് തുടക്കമായി. അന്‍വാറുല്‍ ഹുദാ സാഹിത്യ സമാജത്തിന്റെ കീഴില്‍ ആരംഭിച്ച പദ്ധതിയുടെ ഭാഗമായി നല്ല വായന, നല്ല നാളേക്ക്, കൂട്ടുകാടാം നന്മയുടെ പക്ഷത്ത്, ഖിറാഅത്ത് ഫിനാലെ, ലൈബ്രറി വിപുലീകരണം, ക്ലീന്‍ വില്ലേജ്, ഹാപ്പി ഗാര്‍ഡന്‍, ജെംസ് ഓഫ് ഇയര്‍, നാടിനെ അറിയാം, നാളെക്കൊരു കൈതാങ്ങ് തുടങ്ങിയ പരിപാടികള്‍ നടക്കും.
സമാജത്തിന്റെ ഭാരവാഹികളായി അഹ്മദ് അഷ്ഫാന്‍ (പ്രസി.), അബ്ദുല്‍ വാഹിദ്, ഇര്‍ഫാന്‍, വാഹിബ് ലംറാന്‍ (വൈ. പ്രസി.), അബൂബക്കര്‍ ഷാമില്‍ (ജന. സെക്ര.), ബിലാല്‍, മുഹമ്മദ് റംസാന്‍, അബ്ദുല്‍ ഖാദര്‍ ബാസിത്ത് (ജോ. സെക്ര.), അബുല്‍ ബഷര്‍ (ട്രഷ.), അന്‍സീഫ്, സൈനുല്‍ ആബിദ് (മദ്രസ ലീഡര്‍മാര്‍), സുലൈമാന്‍, അക്മല്‍ ഷാഹിദ് (ലൈബ്രറി കണ്‍വീനര്‍മാര്‍), നജീബ്, വാസിക് (ആര്‍ട്ട് കണ്‍വീനര്‍) എന്നിവരെ തിരഞ്ഞെടുത്തു.
സദര്‍ മുഅല്ലിം അബ്ദുല്‍ലത്തീഫ് മൗലവി തുരുത്തി അധ്യക്ഷത വഹിച്ചു. ഉമറുല്‍ ഫാറൂഖ് സഅദി ഉദ്ഘാടനം ചെയ്തു.
ഇബ്രാഹിം ഖലീല്‍ അംജദി, അഷ്ഫാന്‍, ഷാമില്‍, ബാസിത്ത്, ഇര്‍ഫാന്‍ പ്രസംഗിച്ചു.