updated on:2018-07-11 02:48 PM
ബാങ്കിംഗ് ആന്റ് അക്കൗണ്ടിംഗ് കോഴ്‌സ് ഉദ്ഘാടനം ചെയ്തു

www.utharadesam.com 2018-07-11 02:48 PM,
കാസര്‍കോട്: നഗരസഭയില്‍ കുടുബശ്രീ വഴി നടപ്പിലാക്കി വരുന്ന ദേശീയ നഗര ഉപജീവന ദൗത്യത്തിന്റെ ഭാഗമായി പരവനടുക്കത്തുള്ള ആലിയ കോളേജില്‍ നടപ്പിലാക്കുന്ന ബാങ്കിംഗ് ആന്റ് അക്കൗണ്ടിംഗ് കോഴ്‌സിന്റെ രണ്ടാമത് ബാച്ചിന്റെ ഉദ്ഘാടനം നഗരസഭ ചെയര്‍പേഴ്‌സണ്‍ ബീഫാത്തിമ ഇബ്രാഹിം നഗരസഭ കോണ്‍ഫറന്‍സ് ഹാളില്‍ നിര്‍വ്വഹിച്ചു. ആദ്യ ബാച്ചില്‍ പാസ്സായ 34 പോരില്‍ 32 പേര്‍ക്കും കാസര്‍കോട്, കാഞ്ഞങ്ങാട്, ബാംഗ്ലൂര്‍ എന്നിവിടങ്ങളില്‍ വിവിധ സ്ഥാപനങ്ങളില്‍ തൊഴില്‍ നല്‍കുന്നതിനായി സാധിച്ചിട്ടുണ്ട്.
ആദ്യ ബാച്ചിലെ വിജയിച്ചവര്‍ക്കുള്ള സര്‍ട്ടിഫിക്കറ്റ് വിതരണം നഗരസഭ ക്ഷേമകാര്യ സ്റ്റാന്‍ഡിംഗ് കമ്മറ്റി ചെയര്‍മാന്‍ കെ.എം. അബ്ദുല്‍ റഹ്മാന്റെ അധ്യക്ഷതയില്‍ വൈസ് ചെയര്‍മാന്‍ എല്‍.എ. മുഹമദ് ഹാജി നിര്‍വ്വഹിച്ചു. സ്റ്റാന്റിംഗ് കമ്മിറ്റി ചെയര്‍മാന്‍മാരായ അഡ്വ. വി.എം. മുനീര്‍, നൈമുന്നീസ, നഗരസഭ സെക്രട്ടറി സജികുമാര്‍ വി., സി.ഡി.എസ് ചെയര്‍പേഴ്‌സണ്‍ സാഹിറ മുഹമ്മദ്, ചെമ്മനാട് ആലിയ കോളേജ് ട്രസ്റ്റ് ജനറല്‍ സെക്രട്ടറി സി.എച്ച് മുഹമ്മദ്, കോളേജ് പ്രിന്‍സിപ്പാള്‍ ജലീല്‍ പെര്‍ള, അക്കൗണ്ട് ട്രയിനിംഗ് ഇന്‍സ്റ്റിറ്റിയുട്ട് ഡയറക്ടര്‍ ഷാനവാസ്, കോര്‍ഡിനേറ്റര്‍ നിസാര്‍, കുടുബശ്രീ മെമ്പര്‍ സെക്രട്ടറി അജീഷ് എ.ആര്‍, എന്‍.യു എല്‍.എം. മാനേജര്‍ ബൈജു സി.എം. സംസാരിച്ചു.