updated on:2018-07-09 08:21 PM
ദിലീപിനെ 'അമ്മ'യില്‍ നിന്ന് മാറ്റിയത് തിടുക്കത്തിലായിപ്പോയി-മോഹന്‍ലാല്‍

www.utharadesam.com 2018-07-09 08:21 PM,
കൊച്ചി: ദിലീപിനെ 'അമ്മ' യില്‍ നിന്ന് മാറ്റിയത് തിടുക്കപ്പെട്ട് എടുത്ത തീരുമാനമായിരുന്നുവെന്നും ഇത് താല്‍ക്കാലികം മാത്രമായിരുന്നുവെന്നും അമ്മ പ്രസിഡണ്ട് മോഹന്‍ലാല്‍ പറഞ്ഞു. ദിലീപിന് ഇത് സംബന്ധിച്ച് രേഖാമൂലം കത്തയക്കുകയോ ചെയ്യാതെ ജനറല്‍ ബോഡി വിളിച്ച് ചര്‍ച്ച ചെയ്യാന്‍ മാറ്റിയതായിരുന്നു. ദിലീപ് വിഷയത്തില്‍ അമ്മ രണ്ടായി പിളരുന്നത് ഒഴിവാക്കാനായിരുന്നു തത്രപ്പെട്ട് തീരുമാനമെടുത്തത്. ദിലീപിനെ പുറത്താക്കാതെ അംഗത്വം മരവിപ്പിച്ചുനിര്‍ത്തുക മാത്രമായിരുന്നു. തിരിച്ചെടുത്ത തീരുമാനത്തെ ആരും എതിര്‍ത്തില്ലെന്നും മോഹന്‍ലാല്‍ പറഞ്ഞു. ദിലീപ് സംഘടനയിലേക്കില്ലെന്ന് പറഞ്ഞ സാഹചര്യത്തില്‍ ദിലീപ് പുറത്ത് തന്നെയാണെന്നും മോഹന്‍ലാല്‍ വ്യക്തമാക്കി.