updated on:2018-07-05 08:52 PM
അഭിമന്യുവിന്റെ കൊലയാളികളെ തിരിച്ചറിഞ്ഞു

www.utharadesam.com 2018-07-05 08:52 PM,
കൊച്ചി: എറണാകുളം മഹാരാജാസ് കോളേജ് വിദ്യാര്‍ത്ഥി അഭിമന്യുവിനെ കുത്തിക്കൊലപ്പെടുത്തിയ കേസിലെ പ്രതികളെ തിരിച്ചറിഞ്ഞു. രണ്ട് മുഹമ്മദ്മാരാണ് കൊലക്ക് പിന്നില്‍. ഒന്ന് മഹാരാജാസ് കോളേജിലെ മൂന്നാം വര്‍ഷ ഡിഗ്രി വിദ്യാര്‍ത്ഥി മുഹമ്മദും മറ്റൊന്ന് പുറത്ത് നിന്നുള്ളയാളും.
ഇന്ന് രാവിലെ ആറ് പേരെ പുതുതായി കസ്റ്റഡിയിലെടുത്തിട്ടുണ്ട്. ഇവരെ കൊച്ചി സെന്‍ട്രല്‍ പൊലീസില്‍ ചോദ്യം ചെയ്തുവരികയാണ്. ഇന്നലെ കസ്റ്റഡിയിലെടുത്ത ഏതാനും പേരില്‍ രണ്ടുപേരെ ഇന്ന് അറസ്റ്റ് ചെയ്തു. പ്രതികളെ രക്ഷപ്പെടാന്‍ സഹായിച്ചവരാണിവര്‍. പ്രതികള്‍ക്കെതിരെ യു.എ.പി.എ. ചുമത്തിയേക്കും.
ഇതുസംബന്ധിച്ച നിയമോപദേശം തേടുമെന്ന് ഡി.ജി.പി. ലോക് നാഥ്‌ബെഹ്‌റ അറിയിച്ചു.
തൊടുപുഴ ന്യൂമാന്‍സ് കോളേജ് അധ്യാപകന്‍ ടി.ജെ. ജോസഫിന്റെ കൈ വെട്ടിയ കേസിലെ പ്രതികള്‍ക്ക് അഭിമന്യൂ വധവുമായി ബന്ധമുണ്ടോ എന്നും അന്വേഷിക്കുന്നുണ്ട്. എന്‍.ഐ.എ.യാണ് ഇതു സംബന്ധിച്ച് അന്വേഷണം നടത്തുന്നത്. ഈ കേസില്‍ പുറത്തിറങ്ങിയ പ്രതികള്‍ ജാമ്യ വ്യവസ്ഥ ലംഘിച്ചിട്ടുണ്ടോ എന്നതുള്‍പ്പെടെയുള്ള കാര്യങ്ങള്‍ പരിശോധിക്കുന്നുണ്ട്. എസ്.ഡി.പി.ഐ. പ്രവര്‍ത്തകരായ കൊച്ചി നെട്ടൂര്‍ സ്വദേശി സൈഫുദ്ദീനെ ഇന്നലെ അറസ്റ്റ് ചെയ്തിരുന്നു.
നവാസ്, ജെഫ്രി എന്നിവരാണ് ഇന്ന് അറസ്റ്റിലായവര്‍. സംഭവ ദിവസം 12 പേരുടെ സാന്നിധ്യം മഹാരാജാസ് കോളേജ് പരിസരത്തും ഉണ്ടായതായി നിരീക്ഷണ ക്യാമറ ദൃശ്യങ്ങളില്‍ നിന്ന് വ്യക്തമായിട്ടുണ്ട്.
അഭിമന്യൂവിനെ കുത്തിയത് മുഹമ്മദ് ആണെന്നാണ് പൊലീസ് നിഗമനം. മൊഴികള്‍ പരിശോധിച്ചതില്‍ നിന്നാണ് ഇത്തരമൊരു നിഗമനത്തിലെത്തിയത്. കൊലയില്‍ ഗൂഡാലോചനയുണ്ടെന്ന് ഡി.ജി.പി. പറഞ്ഞു.



Recent News
  കണ്ണൂര്‍ റെയില്‍വെ സ്റ്റേഷന്റെ മുഖം മാറും; ചുമര്‍ ശില്‍പ്പങ്ങള്‍ പൂര്‍ത്തിയാവുന്നു

  വസന്തകുമാറിന് യാത്രാമൊഴി; കുടുംബത്തെ ഏറ്റെടുക്കും

  പാക്കിസ്താന് മുന്നറിയിപ്പുമായി ഇറാനും

  വകവരുത്തണമെന്ന മസൂദ് അസറിന്റെ ശബ്ദസന്ദേശം ലഭിച്ചു

  വസന്തകുമാറിന്റെ ഭൗതിക ശരീരം വൈകിട്ടെത്തും

  സ്‌ഫോടനത്തിനുപയോഗിച്ചത് സൂപ്പര്‍ ജെല്‍-90ഉം ആര്‍.ഡി.എക്‌സും; ഏഴ് പേരെ ചോദ്യം ചെയ്യുന്നു

  തിരിച്ചടിക്കും-പ്രധാനമന്ത്രി

  യുവതികളുടെ സാന്നിധ്യം അയ്യപ്പന്റെ ബ്രഹ്മചര്യത്തെ ബാധിക്കില്ല

  ബി.ജെ.പി സാധ്യതാ പട്ടിക കൈമാറി; ഓരോ മണ്ഡലത്തിനും മൂന്നുപേര്‍ വീതം

  റഫാല്‍ ഇടപാടിന് മുമ്പേ അനില്‍ അംബാനി ഫ്രഞ്ച് ഉദ്യോഗസ്ഥരെ കണ്ടു

  ഡല്‍ഹിയിലെ ഹോട്ടലില്‍ വന്‍ തീപിടിത്തം; മലയാളിയടക്കം 17 മരണം

  സീറ്റുകള്‍ സംബന്ധിച്ച് ധാരണയിലേക്ക്; പ്രഖ്യാപനം പ്രചരണ ജാഥകള്‍ക്ക് ശേഷം

  ഉമ്മന്‍ചാണ്ടി മത്സരത്തിനില്ല; കാസര്‍കോട്ട് സുബ്ബയ്യ റൈയെ പരിഗണിക്കുന്നു

  റഫാലില്‍ പ്രധാനമന്ത്രിയുടെ ഓഫീസ് ഇടപെട്ടു; കത്ത് പുറത്ത്

  ബംഗാളില്‍ സി.പി.എമ്മും കോണ്‍ഗ്രസും ധാരണയിലേക്ക്