updated on:2018-07-03 07:04 PM
ലോകകപ്പ് ഫുട്‌ബോള്‍ സ്റ്റേഡിയത്തില്‍ സാന്നിധ്യമായി തളങ്കരയും

www.utharadesam.com 2018-07-03 07:04 PM,
മോസ്‌കോ: ലോകകപ്പ് ഫുട്‌ബോള്‍ സ്റ്റേഡിയത്തില്‍ സാന്നിധ്യമായി തളങ്കരയും. മോസ്‌കോയിലെ ലോകകപ്പ് ഫുട്‌ബോള്‍ സ്റ്റേഡിയത്തില്‍, തളങ്കരയിലെയും പരിസരങ്ങളിലെയും ക്ലബ്ബുകളുടെ പേരെഴുതിയ പ്ലക്കാര്‍ഡുമായി തളങ്കര സ്വദേശി പ്രത്യക്ഷപ്പെട്ടതോടെയാണ് ലോകകപ്പ് ഫുട്‌ബോളില്‍ തളങ്കരയും സാന്നിധ്യമായത്.
തളങ്കര നുസ്രത്ത് നഗര്‍ സ്വദേശി നസീര്‍ മാളികയുടെ മകന്‍ ഹബീബ് ഫില്ലിയാണ് തളങ്കരയിലെ ഒട്ടു മിക്ക ക്ലബ്ബുകളുടെയും പേരെഴുതിയ പ്ലക്കാര്‍ഡുമായി പ്രത്യക്ഷപ്പെട്ടത്. ഫുട്‌ബോള്‍ കളിക്കാരന്‍ കൂടിയായ ഹബീബ് കുട്ടുകാരന്‍ ഷെരീഫിനൊപ്പം ഖത്തറില്‍ നിന്നാണ് ലോകകപ്പ് ഫുട്‌ബോള്‍ വേദിയിലെത്തിയത്.