updated on:2018-06-30 06:35 PM
ഇന്നസെന്റിനോടും മുകേഷിനോടും സി.പി.എം വിശദീകരണം തേടില്ല

www.utharadesam.com 2018-06-30 06:35 PM,
കൊച്ചി: താരസംഘടനയായ 'അമ്മ'ക്കെതിരെ സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍ രംഗത്തുവന്നു. നടന്‍ ദിലീപിനെ തിരിച്ചെടുത്തത് തെറ്റാണെന്നും അതിനെ അനുകൂലിച്ച് കൈപൊക്കിയവര്‍ ഏത് പാര്‍ട്ടിയില്‍പെട്ടവരായാലും അവരും തെറ്റ് കാരാണെന്നും കോടിയേരി പറഞ്ഞു. മുകേഷും ഇന്നസെന്റും ഇടതുപക്ഷ സഹയാത്രികരാണ്. എന്നാല്‍ അവര്‍ പാര്‍ട്ടി അംഗങ്ങളല്ല. അതുകൊണ്ട് തന്നെ അവരോട് വിശദീകരണം തേടാന്‍ പാര്‍ട്ടി ആലോചിക്കുന്നില്ല-കോടിയേരി പറഞ്ഞു.
അതേസമയം 'അമ്മ' വിവാദം മുറുകിക്കൊണ്ടിരിക്കെ ഗണേഷ് കുമാര്‍ എം.എല്‍.എ 'അമ്മ' ഭാരവാഹി ഇടവേള ബാബുവിനയച്ച വാട്‌സ്ആപ്പ് സന്ദേശം വിവാദമായി. ഇപ്പോള്‍ രാജിവെച്ച നടിമാര്‍ അമ്മയോട് ശത്രുത പുലര്‍ത്തുന്നവരും സ്ഥിരമായി കുഴപ്പങ്ങള്‍ സൃഷ്ടിക്കുന്നവരുമാണ്. അമ്മയില്‍ സജീവമല്ലാത്ത ഇവര്‍ 'അമ്മ' നടത്തിയ മെഗാഷോയില്‍ പോലും പങ്കെടുക്കാത്തവരാണ്. ഇമേജ് നോക്കി പ്രവര്‍ത്തിക്കുന്ന സംഘടനയല്ല 'അമ്മ'. പൊതുജനങ്ങളുടെ പിന്തുണ തേടി പ്രവര്‍ത്തിക്കാന്‍ 'അമ്മ' രാഷ്ട്രീയ സംഘടനയല്ല. വിവാദങ്ങള്‍ രണ്ടു ദിവസത്തിനകം കെട്ടടങ്ങും. ദിലീപിനെ തിരിച്ചെടുത്ത നടപടി പുനഃപരിശോധിക്കരുത്-ഗണേഷ് കുമാര്‍ പറഞ്ഞു.
അതിനിടെ ദിലീപ് കേസ് വിചാരണയ്ക്ക് വനിതാ ജഡ്ജി വേണമെന്നാവശ്യപ്പെട്ട് അക്രമിക്കപ്പെട്ട നടി ഹൈക്കോടതിയെ സമീപിക്കാനൊരുങ്ങുന്നു. ഇതേ ആവശ്യം പ്രിന്‍സിപ്പല്‍ സെഷന്‍സ് കോടതി തള്ളിയതിനെ തുടര്‍ന്നാണ് ഹൈക്കോടതിയില്‍ പുനഃപരിശോധന ഹരജി നല്‍കുന്നത്. കേസിന്റെ വിചാരണ എത്രയും പെട്ടെന്ന് പൂര്‍ത്തിയാക്കേണ്ടതുകൊണ്ടാണ് വനിതാ ജഡ്ജിയുടെ സേവനം ആവശ്യപ്പെട്ടത്.



Recent News
  ക്യാപ്റ്റന്‍ രാജു വിടവാങ്ങി

  ബിഷപ്പിന്റെ അറസ്റ്റ് വൈകുന്നത് മൊഴികളിലെ വൈരുദ്ധ്യംമൂലം

  വീണ്ടും വെന്നിക്കൊടി പറത്തി മൂസാ ഷരീഫ്

  ജലന്ധര്‍ ബിഷപ്പിനെതിരായ കേസ്; പൊലീസ് അന്വേഷണത്തില്‍ വിശ്വാസമെന്ന് കാനം രാജേന്ദ്രന്‍

  പി.കെ. ശശിക്ക് എംഎല്‍എ എന്ന പരിഗണന ലഭിക്കില്ലെന്ന് സ്പീക്കര്‍

  അണക്കെട്ടുകള്‍ തുറന്നു വിട്ടത് കൊണ്ട് ആരും മരിച്ചിട്ടില്ലെന്ന് എം.എം.മണി

  പത്രപ്രവര്‍ത്തകനേയും ഭാര്യയേയും കെട്ടിയിട്ട് മുഖംമൂടി സംഘം 25 പവനും പണവും കവര്‍ന്നു

  സ്വവര്‍ഗ ലൈംഗികത ക്രിമിനല്‍ കുറ്റമല്ല

  ശശിക്കെതിരെ നടപടിയുണ്ടാകുമെന്ന് വിഎസ്; പക്ഷം പിടിക്കാനില്ലെന്ന് ശൈലജ

  എ.ബി.വി.പി. പ്രവര്‍ത്തകനെ വെട്ടിക്കൊന്ന കേസിലെ സൂത്രധാരന്‍ പിടിയില്‍

  മുഖ്യമന്ത്രി അമേരിക്കയിലേക്ക് പുറപ്പെട്ടു

  തെലുങ്കാനയില്‍ തിരഞ്ഞെടുപ്പ് നേരത്തെയാക്കാന്‍ നീക്കം; എതിര്‍പ്പുമായി കോണ്‍ഗ്രസ്

  കേരളത്തിന്റെ പുനര്‍നിര്‍മ്മാണത്തിന് കേന്ദ്രം പ്രത്യേക പാക്കേജ് നല്‍കണം-രാഹുല്‍ ഗാന്ധി

  പ്രളയം തകര്‍ത്തെറിഞ്ഞ കേരളത്തില്‍ കാര്‍ഷിക മേഖലയ്ക്ക് മാത്രം 1,361 കോടി രൂപയുടെ നഷ്ടം

  കേരളം കരകയറുന്നു