updated on:2018-06-16 06:29 PM
ദിനകര്‍ റൈ മികച്ച റോട്ടറി പ്രസിഡണ്ട്

www.utharadesam.com 2018-06-16 06:29 PM,
കാസര്‍കോട്: ഈറോഡില്‍ നടന്ന റോട്ടറി ഇന്റര്‍നാഷണള്‍ (3202) വാര്‍ഷിക കണ്‍വെന്‍ഷനില്‍ കാസര്‍കോട് റോട്ടറി ക്ലബ് മികച്ച ക്ലബ്ബായി തിരഞ്ഞെടുക്കപ്പെട്ടു. പോളിയോ നിര്‍മ്മാര്‍ജന പദ്ധതി, സാമൂഹ്യ സേവന പദ്ധതികള്‍ക്ക് ക്ലബ്ബ് നാല് അവാര്‍ഡുകള്‍ ഉള്‍പ്പെടെ മരം നടൂ സമ്മാനം നേടൂ പദ്ധതി, ആതുര സേവനം, സ്മാര്‍ട് ക്ലാസ് റൂം പദ്ധതി, തുടങ്ങിയവയ്ക്കു 9 അവാര്‍ഡുകളും ലഭിച്ചു. റോട്ടറി ഡിസ്ട്രിക്ട് ഗവര്‍ണ്ണര്‍ പി.എ ശിവശങ്കരന്‍ അവാര്‍ഡുകള്‍ വിതരണം ചെയ്തു. കാസര്‍കോട് ക്ലബ്ബിനുള്ള അവാര്‍ഡുകള്‍ പ്രസിഡണ്ട് കെ. ദിനകര്‍ റൈയും സെക്രട്ടറി കെ.ബി. ലജീഷും ഏറ്റുവാങ്ങി. രണ്ടു വിഭാഗങ്ങളില്‍ മികച്ച പ്രസിഡണ്ടായി ദിനകര്‍ റൈയെ തിരഞ്ഞെടുത്തു. 15 ഓളം പദ്ധതികള്‍ നടപ്പിലാക്കിയിരുന്നു.